GEGHAMA MEDIA HOLDING

0 Սեպտեմբերի 21-ին Սևանի Ս. Զաքարյանի անվան մշակույթի պալատի դահլիճում մեկնարկեց Հայաստանի Պաուերլիֆտինգի բաց առաջնությունը՝ նվիրված Անկախության օրվան, որին մասնակցում էին 22 թիմեր, շուրջ 250 մարզիկներ Հայաստանից, Իրանից, Ռուսաստանից, Բուլղարիայից: Տեղի ունեցավ մրցաշարի բացման հանդիսավոր միջոցառումը «Ուժեղ բանակ, ապահով սահման: Այսօրվա մարզիկը վաղվա զինվորն է» խորագրով:

0 Հրազդան գետում անցկացվեց  Սևանի ջրային մարզաձևերի դպրոցի  նախկին տնօրեն Աշոտ Ավետիսյանի հիշատակին նվիրված ամենամյա հերթական հուշամրցաշարը: Աշոտ Ավետիսյանը երկար տարիներ Սևանի Ջրային մարզաձևերի դպրոցի տնօրեն է աշխատել: Նրա սաները մասնակցել են աշխարհի ու հանրապետական բազմաթիվ առաջնությունների՝ գրավելով պատվավոր հորիզոնականներ: 

0 Օգոստոսի 5-ից  Հայաստանի առագաստանավային սպորտի ֆեդերացիան Սևանում անց է կացնում  Ծովակալ Իսակովի անվան ամենամյա հուշամրցաշարը, որին մասնակցում են առագաստանավորդներ ինչպես  Հայաստանից, Ռուսաստանից, Վրաստանից, այնպես էլ այլ երկրներից: 

0 Հուլիսի 28-ին Սևանի Ն. Դագարյանի անվան մանկապատանեկան մարզադպրոցում անցկացվեց օլիմպիական թաեքվոնդոյի «Գեղամա Ծով» բաց առաջնություն: Այն կրում էր «Ո՛չ ծխախոտին» խորագիրը: Առաջնությունը կազմակերպվել էր Սևանի համայնքապետարանի և Սևանի Ն. Դագարյանի անվան մանկապատանեկան մարզադպրոցի նախաձեռնությամբ: Մրցաշարը կազմակերպվում է ամեն տարի և նպատակ ունի զարգացնել օլիմպիական թաեքվոնդո մարզաձևը Գեղարքունիքի մարզում՝ հատկապես Սևան համայնքում, ի հայտ բերել ուժեղագույն մարզիկների, ինչպես նաև նպաստել համայնքում առողջ ապրելակերպին ու ֆիզիկական ակտիվությանը:  

0 Սևանի հեծանվային ակումբի սաները բնակչության շրջանում Ֆիզիկական ակտիվության տարածվածության բարձրացման նպատակով, հատուկ ուղերձներով՝  «Ոչ ծխախոտին և  երկրորդային ծխին», «Մենք Չենք ծխում» պաստառներով, շարժվեցին Սևան քաղաքից , անցնելով Երևան-Սևան-Իջևան միջպետական ավտոճանապարհով և հասան Ծովագյուղ բնակավայր՝ դրանով իսկ խրախուսելով հեծանիվ վարելու առողջ ապրելակերպը: Հեծանվային արշավի նպատակն էր բարձրացնել բնակչության ֆիզիկական ակտիվությունը Սևանի տարածաշրջանում:

0 ՀՀ ֆուտբոլի 2023-2024թթ մրցաշրջանում մինչև 15 տարեկանների մանկապատանեկան առաջնությունում հանդես եկող «ԱՆԴՐԱՆԻԿ-09» թիմը նվաճել է չեմպիոնի կոչումը: Սևանի քաղաքային մարզադաշտում հունիսի 5-ին տեղի ունեցավ «Անդրանիկ-09» ֆուտբոլի թիմի պարգևատրման արարողությունը: 

0 Սևան համայնքի ղեկավար Սարգիս Մուրադյանը մայիսի 30-ին ընդունեց Սևանի Ն.Դագարյանի անվան մանկապատանեկան մարզադպրոցի սաներ ծանրամարտիկ Հովհաննես Հովաննիսյանին և բռնցքամարտիկ Կարինե Դալլաքյանին, իրենց մարզիչներ Գառնիկ Աբրահամյանին, Հովհաննես Վարդանյանին և Սևանի Ն. Դագարյանի անվան մանկապատանեկան մարզադպրոցի տնօրեն Գարիկ Ավետիսյանին:  Լիմայում կայացած Ծանրամարտի պատանիների աշխարհի առաջնությունում 61 կգ քաշային 17-ամյա Հովհաննես Հովհաննիսյանը երկամարտի արդյունքում դարձել է արծաթե մեդալակիր՝ դառնալով փոխչեմպիոն, իսկ 13-ամյա բռնցքամարտիկ Կարինե Դալլաքյանը մայիսի  11-ից 17-ը Երևանում կայացած ՀՀ 2024թ-ի կրտսեր տարիքի պատանիների առաջնությունում, 46 կգ քաշային կարգում գրավել է առաջին տեղը՝ ճանաչվելով 2024թ-ի հաղթող: Սևան համայնքի ղեկավար Սարգիս Մուարդյանը շնորհավորեց մարզիկներին, իրենց մարզիչներին, Սևանի մարզադպրոցի տնօրենին մաղթելով հաղթական նոր մրցելույթներ և մեդալառատ արդյունքներ: 

0 Ապրիլի 1-ից 12-ը Գեղարքունիքի մարզի համայնքներում անցկացվում են «ՀՀ Վարչապետի գավաթ» խորագիրը կրող սեղանի թենիսի սիրողական մրցաշարի համայնքային փուլերը: Սևանում այն անցկացվեց ապրիլի 3-ին, Սևանի Ն. Դագարյանի անվան մանկապատանեկան մարզադպրոցում:

0 Օգոստոսի 20-ին Սևանի Նորիկ Դագարյանի անվան մանկապատանեկան մարզադպրոցում տեղի ունեցավ օլիմպիական թաեքվոնդո մարզաձևի «Գեղարքունիքի գավաթ» 11-րդ բաց մրցաշարը, որին մասնակցում էին 12 թիմեր Սևանից, Երևանից, Նոյեմբերիանից, Հրազդանից և Գյումրուց: Օլիմպիական թաեքվոնդոի բաց մրցաշարը կազմակերպվել էր «Նվիրյալներ» ռազմամարզական ՀԿ-ն՝ նախագահ Արման Գրիգորյանի գլխավորությամբ, աջակցել էին Սևանի համայնքապետարանը, Հայաստանի թաեքվոնդոյի ֆեդերացիան և Սևանի Ն. Դագարյանի անվան մանկապատանեկան մարզադպրոցը: Մրցաշարը նպատակ ուներ զարգացնել օլիմպիական թաեքվոնդո մարզաձևը տարածաշրջանում: Թաեքվոնդո մարզաձևը Սևանում մեծ տարածում ունի: Սևանից թաեքվոնդոի Հայաստանի մեծահասակների չեմպիոն Դավիթ Թորոսյանը վերջերս Չինաստանում մասնակցել էր համաշխարհային ուսանողական խաղերին: Այս օրերին Դավիթը գտնվում է Էստոնիայում: Տալինում կմասնակցի թաեքվոնդոյի Եվրոպայի մեծահասակների առաջնությանը, ինչպես նաև G1 մրցաշարին:  Օլիմպիական թաեքվոնդոի 11-րդ  բաց մրցաշարի հաղթողները պարգևատրվեցին մեդալներով, պատվոգրերով, իսկ թիմերի մարզիչները՝ շնորհակալագրերով:

0 Հունիսի 20-ին Գագարինի բացօթյա ֆուտբոլային դաշտում անցկացվեց ֆուտբոլի սիրողական մրցաշար. «ԴԱՐ» տարածաշրջանային զարգացման և մրցունակության հիմնադրամի «Գագարին» նախագիծն արդեն երրորդ անգամ կազմակերպում է ամենամյա «GP CUP-2023» ֆուտբոլային սիրողական մրցաշար: