» » Սևանում անցկացվեց «Սպարապետ Վազգեն Սարգսյանի հիշատակին նվիրված թաեքվոնդոյի հուշամրցաշար»:

 
 
 

Սևանում անցկացվեց «Սպարապետ Վազգեն Սարգսյանի հիշատակին նվիրված թաեքվոնդոյի հուշամրցաշար»:

Հեղինակ` SevanTV1 ամսաթիվ` 3-03-2025, 11:06, դիտել են` 17

0 Ռազմական և քաղաքական գործիչ, գրող, Հայաստանի պաշտպանության առաջին նախարար, Հայաստանի նախկին վարչապետ Վազգեն Սարգսյանի ծննդյան օրվան ընդառաջ Սևանի Ս. Զաքարյանի անվան Մշակույթի կենտրոնում մարտի 2-ին անցկացվեց «Սպարապետ Վազգեն Սարգսյանի հիշատակին նվիրված թաեքվոնդոյի հուշամրցաշար»:  Այն կազմակերպել էին Սևանի համայնքապետարանը, «Նվիրյալներ» ռազմամարզական հասարակական կազմակերպությունը՝ նախագահ Արման Գրիգորյանի գլխավորությամբ և Սևանի Ն. Դագարյանի անվան մանկապատանեկան մարզադպրոցը: Մասնակցեցին շուրջ 170 մարզիկներ Սևանից, Հրազդանից, Նոյեմբերյանից, Գյումրուց և հանրապետության այլ համայնքներից: Հուշամրցաշարին լավագույնս հանդես եկած մարզիկներն ու մարզիչները պարգևատրվեցին պատվոգրերով, շնորհակալագրերով և գավաթներով: «Նվիրյալներ» ռազմամարզական հասարակական կազմակերպության նախագահ Արման Գրիգորյանը կազմակերպության անունից «Պարտք, Պատիվ, Փառք» խորագրով «Վազգեն Սարգսյան» հուշամեդալներով պարգևատրեց Վահե Խաշատրյանին, Մարտիրոս Գալստյանին, Արայիկ Մկրտչյանին, Արսեն Աղաբաբյանին, Արտակ Հովհաննիսյանին, Նարեկ Թորասյանին, Արթուր Սարգսյանին և Միքաել Ավետիսյանին կազմակերպության հետ արդյունավետ համագործակցության և հայրենանվեր աշխատանքի համար:

Խումբ` Спорт

Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով: