GEGHAMA MEDIA HOLDING

0 Սևան քաղաքում համայնքապետարանի շենքում տեղակայված Լեռնային Ղարաբաղից բռնի տեղահանված անձանց աջակցելու նպատակով արդեն 4 օր գործող հումանիտար կենտրոնում մեր նկարահանման պահին էլ ընթանում էին ակտիվ աշխատանքներ: 

0 1991 թվականի սեպտեմբերի 21-ին Հայաստանը հանրաքվեով դուրս եկավ Խորհրդային Միության կազմից ու դարձավ անկախ պետություն: Բնակչության բացարձակ մեծամասնությունն «այո» ասաց ազատ ու անկախ ապրելու իր իրավունքին: Սեպտեմբերի 21-ի` Անկախության օրվա առթիվ Սևանի համայնքապետարանի աշխատակազմը, վարչական ղեկավարներ և  համայնքի ավագանու անդամներ` Սևան համայնքի ղեկավար Սարգիս Մուրադյանի գլխավորությամբ այցելեցին Սևանի քաղաքային պանթեոն, որտեղ հանգչում են Արցախյան պատերազմներում զոհված ազատամարտիները և կատարեցին պսակադրում, ծաղիկներ խոնարհելով ի հիշատակ արցախյան հերոսամարտերում նահատակված հերոս տղաների: Միասնության երթին մասնակցեցին և պանթեոն այցելեցին նաև Սևանի հիմնարկ-ձեռնարկությունների, կրթական ու մշակութային օջախների աշակերտներ աշխատանքային կոլեկտիվներ, դպրոցականներ և անհատներ: Ծաղկադրման արարողակարգեր են տեղի ունեցել նաև Սևան համայնքի բնակավայրերում, որով հարգանքի տուրք է մատուցվել Հայաստանի Անկախության համար նահատակված մեր հերոսների հիշատակին: Լեռնային Ղարաբաղի ժողովրդի նկատմամբ Ադրբեջանի սանձազերծած ագրեսիայով և առկա լարված իրավիճակով պայմանավորված Սևանի համայնքապետարանը սեպտեմբերի 21-ին նախատեսված համերգային ծրագրերը չեղարկել էր: 

0 Գեղարքունիքի մարզում անցկացվում են իրազեկման աշխատանքներ՝ զինված ուժերը պայմանագրային զինծառայողներով համալրելու և այլ թեմաների շուրջ: ՀՀ Զինված ուժերը պայմանագրային զինծառայողներով համալրելու, ինչպես նաև կանանց նորաստեղծ գումարտակում զինվորական ծառայության անցնելու վերաբերյալ բացատրական և քարոզչական աշխատանքներ իրականացնելու, զինծառայողներին տրվող սոցիալական երաշխիքները, արտոնությունները և ծառայությանն առնչվող բոլոր մանրամասները ներկայացնելու նպատակով՝ ՀՀ Պաշտպանության և ՀՀ տարածքային կառավարման և ենթակառուցվածքների նախարարությունների նախաձեռնությամբ անցկացվում են իրազեկման աշխատանքներ: 

0  Սեպտեմբերի 14-ին «Առողջ ապրելակերպի» հանրային իրազեկման հանրապետական արշավը մեկնարկեց Սևան քաղաքի N4 հիմնական դպրոցից:

0 Սևան համայնքում ընթացքի մեջ են ճանապարհաշինական սուբվենցիոն ծրագրերը: Ավարտական փուլում են Գագարին բնակավայրի երկու փողոցի ասֆալտապատման աշխատանքները: 

0 Սեպտեմբերի 12-ին մեկնարկեց Սևան համայնքի ավագանու 4-րդ` աշնանային նստաշրջանը: 1-ին նիստի քննարկմանը ներկայացված օրակարգային հարցերի հաստատումից առաջ Սևան համայնքի ղեկավար Սարգիս Մուրադյանն անդրադարձ կատարեց համայնքում իրականացվող կապիտալ ծրագրերին, որոնք իրականացվում են սուբվենցիոն ծրագրերի շրջանակներում, համայնքային, ինչպես նաև տեղական և միջազգային կազմակերպությունների և հիմնադրամների միջոցով: 

0 Սեպտեմբերի 9-ին և 10-ին Սևանը հյուրընկալեց արդեն երկրորդ անգամ անցկացվող «Քայլարշավային փառատոն»-ի մասնակիցներին: Հայաստան-Ֆրանսիա համագործակցության շրջանակներում սեպտեմբերի 9-ին Սևան քաղաքում մեկնարկեց «Քայլարշավային փառատոնը» Fest_Camp: Սա քայլարշավի զարգացման պիլոտային ծրագիր է, խթանելու քայլարշավը որպես տեղական զարգացման շարժիչ ուժ: Այն իրականացվում է  Ֆրանսիական «Աֆրատ» ասոցիացիայի և «Սևան» երիտասարդական ակումբի նախաձեռնությամբ, աջակցությամբ և համագործակցությամբ Սևանի համայնքապետարանի, սեպտեմբերի 9-ին և 10-ին Սևանում (UpSide beach&more լողափում) անցկացվեց քայլարշավային փառատոն, որին մասնակցեցին շուրջ 200 երիտասարդ Գեղարքունիքի, Լոռու, Սյունիքի մարզերից, ինչպես նաև Երևանից։ Պաշտոնական բացմանը, որը տեղի ունեցավ Սևանի համայնքային մշակութային կենտրոնում, ներկա էին Հայաստանի Զբոսաշրջության քաղաքականության վարչության, Գեղարքունիքի և Լոռու մարզպետի աշխատակազմի, Սևանի համայնքապետարանի ներկայացուցիչներ և բազմաթիվ հրավիրվածներ: