GEGHAMA MEDIA HOLDING

0 Մոսկվայաբնակ զովաբերցի գործարար Կարեն Կոստանյանի նախաձեռնությամբ արդեն 14-րդ տարին է, ինչ օգոստոսի 28-ը նշում են «Զովաբերի օր»-ը: 

0 Սևան համայնքի տարբեր բնակավայրերում այս օրերին իրականացվում են սուբվենցիոն ծրագրերով նախատեսված աշխատանքներ, և որոշ տեղամասեր վերածվել են շինհրապարակների: 

0 Հրազդան գետում անցկացվեց  Սևանի ջրային մարզաձևերի դպրոցի  նախկին տնօրեն Աշոտ Ավետիսյանի հիշատակին նվիրված ամենամյա հերթական հուշամրցաշարը: Աշոտ Ավետիսյանը երկար տարիներ Սևանի Ջրային մարզաձևերի դպրոցի տնօրեն է աշխատել: Նրա սաները մասնակցել են աշխարհի ու հանրապետական բազմաթիվ առաջնությունների՝ գրավելով պատվավոր հորիզոնականներ: 

0 Օգոստոսի 29-ին «Նվիրյալներ» ռազմամարզական հասարակական կազմակերպությունը հյուրնկալել էր Լյուքսենբուրգից ժամանած, կազմակերպության հովանավոր Մարի  Վան Մարկ Իսկանդերյանին, նրա ամուսնուն՝ Փոլ Վան Մարկին և իրենց չորս զավակներին:  Նրանք մշտապես այցելում են Հայաստան, ապրում են Սևան քաղաքում և արդեն երկար ժամանակ է, ինչ աջակցում են «Նվիրյալներ» ռազմամարզական հասարակական կազմակերպությանը անցկացնելու ուսումնամարզական ճամբարներ: Կազմակերպության հիմնադիր ժողովի որոշմամբ Մարի  Վան Մարկ Իսկանդերյանը ընտրվեց կազմակերպության սփյուռքի նախագահ:

0 Երեխաների աջակցության հիմնադրամը սեպտեմբերի 1-ին ընդառաջ Սևանի տարածաշրջանի դպրոցահասակ երեխաներին նվիրեց դպրոցական պայուսակներ, կոշիկներ  եւ գրենական պիտույքներ: Դեպի դպրոց 2024 ծրագիրը նպատակաուղղված է սոցիալապես անապահով ընտանիքների, ծնողազուրկ երեխաների կրթության ապահովմանը:

0 Ընթացքի մեջ է ՀՀ բարձր տեխնոլոգիական արդյունաբերության նախարարության ֆինանսավորմամբ իրականացվող «Մասնագետների պատրաստման բուհ-մասնավոր հատված համագործակցություն» ծրագրի «Մասսայական ուսուցում» բաղադրիչը:
Հերթական դասընթացն անցկացվեց Սևանի Խ. Աբովյանի անվան ավագ դպրոցում: 

0 Սևան համայնքի Գեղամավան բնակավայրում մեկնարկել են բնակավայրի 1-ին փողոցի 8-րդ և 3-րդ նրբանցքների ասֆալտապատման աշխատանքները: Շինարարական աշխատանքներն իրականացվում են «Սևան համայնքի Գագարին, Զովաբեր, Գեղամավան, Չկալովկա, Նորաշեն, Ծովագյուղ, Ծաղկունք, Դդմաշեն բնակավայրերի փողոցների հիմնանորոգում» սուբվենցիոն ծրագրի 2-րդ փուլի շրջանակներում:

0 Օգոստոսի 19-ին Սևան քաղաքի Նաիրյան-Աբովյան խաչմերուկին կից բացվեց 44-օրյա պատերազմում անմահացած հերոս սևանցի Արթուր Կիրակոսյանի հիշատակին նվիրված ցայտաղբյուր: 

0 «Նվիրյալներ» ռազմամարզական հասարակական կազմակերպությունը հուլիսի 1-ից անցկացնում է ուսումնամարզական ճամբար Սևանա լճի ափին:

0 1999թ.-ին Միավորված ազգերի կազմակերպությունը հայտարարեց Երիտասարդության միջազգային օր՝ երիտասարդության զորեղացման և նրանց յուրահատուկ մարտահրավերներին դիմակայելու համար: Պորտուգալիան առաջին երկիրն էր, որ պատիվ ունեցավ հյուրընկալելու Երիտասարդության միջազգային օրը 2000թ․ օգոստոսի 12-ին: Ամեն տարի Երիտասարդության միջազգային օրն ունի հատուկ թեմա։ Այս տարվա խորագիրն է «Փոքր քայլերից դեպի առաջընթաց․Երիտասարդները ստեղծում են թվային ուղիներ հանուն կայուն զարգացման»: Սա ավելին է, քան պարզապես մեկ օր. սա հզոր հարթակ է, որը պաշտպանում է երիտասարդության իրավունքները, որակյալ կրթությունը և հմտությունների զարգացման հավասար հնարավորությունները:  Երիտասարդների գլխավորությամբ միջոցառումներ են տեղի ունենում ամբողջ աշխարհում, ներառյալ Հայաստանում:
 Երիտասարդության միջազգային օրվա առթիվ Սևան համայնքում կազմակերպվեցին մի շարք միջոցառումներ: