» » Սևանում կայացավ «Դպրոցականների բասկետբոլի լիգա» մարզական խաղերի համայնքային փուլը:

 
 
 

Սևանում կայացավ «Դպրոցականների բասկետբոլի լիգա» մարզական խաղերի համայնքային փուլը:

Հեղինակ` SevanTV1 ամսաթիվ` 3-03-2025, 11:07, դիտել են` 22

0 Մարտի 1-ից 2-ը, ինչպես հանրապետության բոլոր համայնքներում, այնպես էլ Սևան համայնքում՝ Սևանի Ն. Դագարյանի անվան մանկապատանեկան մարզադպրոցում ՀՀ Վարչապետի հովանու ներքո անցկացվեց «Դպրոցականների բասկետբոլի լիգա» մարզական խաղերի համայնքային փուլը 2 տարիքային խմբով՝ 10-12 և 13-15 տարեկաններ: Ընդհանուր մասնակցում էին 12 թիմեր, որոնցից 4-ը՝ 10-12 տարեկան (5-6-րդ դասարաններ)՝ Ծովագյուղի Մուրացանի անվան, Վարսերի Ռ. Պետրոսյանի անվան, Սևանի Վլ. Կարապետյանի անվան N3 և Սևանի Մաշտողի անվան N1 դպրոցների թիմերն էին, որոնք մասնակցութան հայտ էին ներկայացրել: Այս տարիքային խմբում 3-րդ տեղը գրավեց Սևանի Վլ. Կարապետյանի անվան N 3 հիմնական դպրոցի թիմը, 2-րդ հորիզոնականը զբաղեցրեց Վարսերի Ռ. Պետրոսյանի անվան միջնակարգ դպրոցի թիմը, իսկ առաջին տեղը զբաղեցրեց Սևանի Մաշտողի անվանա N1 հիմնական դպրոցի բասկետբոլի թիմը, որն էլ 10-12 տարեկան (5-6-րդ դասարաններ) տարիքային խմբում կմասնակցի «Դպրոցականների բասկետբոլի լիգա» մարզական խաղերի մարզային փուլին՝ ներկայացնելով Սևան համայնքը: Երկրորդ տարիքային խմբում՝ 13-15 տարեկան (7- 9-րդ դասարաններ), մասնակցության հայտ էին ներկայացրել 8 թիմեր՝ Լճաշենի Ա. Տեր-Գրիգորյանի անվան, Դդմաշենի, Վարսերի Ռ. Պետրոսյանի անվան, Ցամաքաբերդի N5, Գոմաձորի N6, Սևանի N4, Սևանի Վլ. Կարապետյանի անվան N3 և Սևանի Մաշտողի անվան N1 դպրոցների թիմերը: Այս տարիքային խմբում 3-րդ տեղը գրավեց Վարսերի Ռ. Պետրոսյանի անվան միջնակարգ դպրոցի թիմը, 2-րդ հորիզոնականը զբաղեցրեց Սևանի Մաշտողի անվանա N1 հիմնական դպրոցի բասկետբոլի թիմը, իսկ առաջին տեղը զբաղեցրեց Դդմաշենի միջնակարգ դպրոցի բասկետբոլի թիմը, որն էլ 13-15 տարեկան (7- 9-րդ դասարաններ) տարիքային խմբում կմասնակցի «Դպրոցականների բասկետբոլի լիգա» մարզական խաղերի մարզային փուլին՝ ներկայացնելով Սևան համայնքը: Երկու փուլերում էլ բակետբոլի լիգայի 1-ին, 2-րդ և 3-րդ մրցանակային տեղեր գրաված դպրոցների թիմերը պարգևատրվեցին ՀՀ Կրթության, Գիտության, Մշակույթի և Սպորտի նախարարության համապատասխան կարգի հավաստագրերով և մեդալներով, որոնք թիմերին հանձնեց Սևանի Ն. Դագարյանի անվան մանկապատանեկան մարզադպրոցի տնօրեն, մարզական խաղերի Սևանի համայնքային փուլի անցկացման պատասխանատու Գարիկ Ավետիսյանը: «Դպրոցականների բասկետբոլի լիգա» մարզական խաղերի Սևանի համայնքային փուլի անցկացման գլխավոր մրցավարն էր Սևակ Պետրոսյանը: Այսպիսով ՀՀ Վարչապետի հովանու ներքո անցկացվող «Դպրոցականների բասկետբոլի լիգա» մարզական խաղերի մարզային փուլում Սևան համայնքը 10-12 տարեկան (5-6-րդ դասարաններ) տարիքային փուլում կներկայացնի Սևանի Մաշտողի անվան N1 հիմնական դպրոցի բասկետբոլի թիմը, իսկ 13-15 տարեկան (7- 9-րդ դասարաններ) տարիքային փուլում՝ Դդմաշենի միջնակարգ դպրոցի բասկետբոլի թիմը:

Խումբ` Спорт

Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով: