GEGHAMA MEDIA HOLDING

0 Երեխաների աջակցության հիմնադրամն ամենամյա տոնական, ավանդական միջոցառում էր կազմակերպել Սևանի տարածաշրջանի և Սևանում ապաստանած ԼՂ-ից բռնի տեղահանված հիմնադրամի շահառու երեխաների համար:

0 Դեկտեմբերի 25-ին Սևանի համայնքապետարանի վարչական շենքի մերձակա հրապարակում վառվեցին Սևան համայնքի գլխավոր տոնածառի լույսերը` ազդարարելով նախատոնական և տոնական օրերի մեկնարկը: Գլխավոր տոնածառի լույսերի վառման արարողությունն ուղեկցվեց երգ ու պարով:
 

0 Ամանորի գույներն ու տրամադրությունը հյուրընկալվել էին Սևանի Հովհ. Այվազովսկու անվան արվեստի օջախի հարկի տակ: Հավատարիմ արդեն իրենց ավանդույթին, Ամանորի շեմին, դեկտեմբերի 18-ին,  Սևանի Հովհ. Այվազովսկու անվան արվեստի դպրոցի տարբեր խմբերի սաները` խմբավարների գլխավորությամբ, իրենց ձեռքբերած կարողությունները, արհեստի ու արվեստի տարբեր ճյուղերում ունեցած հմտությունները դարձրել էին ձեռքի ու մտքի համադրությամբ ստեղծված աշխատանքներ և ներկայացրել «Ամանորյա հրաշք»  խորագրով տոնական ցուցահանդեսում:

0 Ոչ նյութական արժեքների հանրահռչակման օրերը եզրափակվեցին նոյեմբերի 14-ին Սևանի Համայնքային մշակութային կենտրոնում՝ «Հազարամյակների շունչը» խորագրով: 

0 Ոչ նյութական մշակութային ժառանգության հանրահռչակման օրերը Սևանում շարունակվում են: Այս անգամ հերթը հայկական ավանդական ուտեստներինն էր: Նոյեմբերիի 12-ին «Հովհ․ Այվազովսկու անվան արվեստի դպրոց»-ի սաները ներկայացրին հայկական խոհանոցի առանձնահատկություններն ու գաղտնիքները: 

0 Սևան համայնքը իր 12 բնակավայրերով քարտեզագրվել է և պատրաստ է ներկայացման հանրությանը: Հոկտեմբերի 31-ին տեղի ունեցավ Սևան համայնքի և բնակավայրերի մշակութային ժառանգության նորաստեղծ քարտեզի շնորհանդեսը Սևանի բիզնես կենտրոնում: Սևան համայնքի և բնակավայրերի մշակութային ժառանգությունը համակարգվել ու քարտեզագրվել է` ձևավորելով զբոսաշրջային ուղղություններ, ֆոտոտեսադարաններ, տեսադարաններ և պատմությունների շտեմարաններ, որոնք ներառում են Սևան համայնքի նյութական և ոչ նյութական արժեքները։ 

0 Ոչ նյութական մշակութային ժառանգության հանրահռչակման օրերը Սևանում շարունակվում են: Հոկտեմբերի 21-ին «Տարածքային զարգացման եվ հետազոտությունների կենտրոն» ՀԿ-ն Սևանի բիզնես կենտրոնում կազմակերպել էր Թաուն հոլլ, որի ընթացքում իրականացվեց քննարկում Սևան համայնքի ոչ նյութական մշակութային ժառանգության բացահայտման ու քարտեզագրման վերաբերյալ՝ 12 բնակավայրերի ներառմամբ: 

0 Հոկտեմբերի 18-ին «Բոհեմ» արվեստանոց թեյարանում, «Գամմա» բենդի մասնակցությամբ, «Աբդեյթ-4 երգվող երգեր» երգացանկով, սևանցի հանդիսատեսին ներկայացվեց «Էսօր իրգուն ուրբաթնուկ ա» համերգային ծրագիրը։

0 Առաջին անգամ Հայաստանում հոկտեմբերի 17-ը նշվում է որպես Ոչ նյութական մշակութային ժառանգության հանրահռչակման միջազգային օր: Կարևորելով ոչ նյութական մշակութային ժառանգության դերն ու նշանակությունը՝ Սևան համայնքում իրականացվելու են մի շարք միջոցառումներ և նախաձեռնություններ: Ոչ նյութական մշակութային ժառանգության հանրահռչակման միջոցառումների մեկնարկը տրվեց հոկտեմբերի 17-ին: Սևանի «Վ․ Ստեփանյանի անվան գրադարանների կենտրոնացված համակարգ» ՀՈԱԿ-Ի կենտրոնական գրադարանում, «ՍԵՎԱՆ» ազգային պարկ» ՊՈԱԿ-Ի այցելուների կենտրոնում: Ացկացվեցին միջոցառումներ՝ «Հոգևոր արժեքները որպես ոչ նյութական ժառանգություն» թեմայով: Միջոցառումների ընթացքում ցուցադրվեց Սևանի տարածաշրջանի մասին պատմող ֆիլմ, տրամադրվեց նաև տեղեկատվություն բարբառների ծագման և կիրառման մասին, որոնք ուղեկցվեցին ցուցահանդեսով: Ընթերցողների կողմից ներկայացվեց Սևանա լճին նվիրված ավանդազրույցներ և պատումներ: 

0 Լույս է տեսել Գոռ Գուրգենի Ենոքյանի «Արդարության դարձերեսը» հերթական գիրքը, որում զետեղված են գողտրիկ վիպակներ, որոնք իրական պատմություններ են մեր շրջապատի մարդկանց մասին: Հեղինակը համոզված է, որ գիրքը կընթերցվի մեծ հետաքրքրությամբ ու լայն դաշտ կստեղծի խորհելու և քննարկելու համար: