GEGHAMA MEDIA HOLDING

Ապրիլի 29-ին, Քաղաքացու օրվա առթիվ կազմակերպվող միջոցառման շրջանակներում Սևան համայնքում հանրային քննարկման հարթակ տեղադրվեց Սևանի բիզնես կենտրոնում, որտեղ տեղի ունեցավ հանդիպում-զրույց Գեղագիտության ազգային կենտրոնի տնօրեն Վահան Բադալյանի հետ։

Բանախոսի հետ ունեցած հանրային քննարկմանը մասնակցեցին Սևան բազմաբնակավայր համայնքի հանրակրթական ուսումնական հաստատությունների ավագ դասարանների սովորողներ, ովքեր ծավալեցին հետաքրքիր քննարկումներ, լսեցին հրավիրված բանախոսին, մասնագիտության ընտրության, պետության զարգացման հեռանկարների մասին, նաև քաղաքացու ակտիվ դիրքորոշման հարցում սեփական մասնակցության ցուցաբերման հետ կապված հարցերի շուրջ։ 

Քննարկումից հետո Սևանի մշակութային կենտրոնում հանդիսատեսը հնարավորություն ունեցավ դիտելու մշակույթի կենտրոնի գարնանային թեմայով և Գեղագիտության ազգային կենտրոնի Սևանի ստորաբաժանման գեղանկարչության խմբի «ՀՀ 12 քաղաքացիները» խորագրով նկարչական ցուցահանդես և համերգային ծրագիր՝ Սևան համայնքի մշակութային կենտրոնի պարային խմբերի սաների ներկայացմամբ։

Այս տարի ապրիլի 24-ին համայն հայությունը և առաջադեմ մարդկությունը նշում են Մեծ Եղեռնի 108-րդ տարելիցը:

Սևանում ոգեկոչեցին Մեծ եղեռնի սրբադասված զոհերի հիշատակը։

Սևանի հոգևոր դասի կողմից կատարվեց Մեծ եղեռնի Սուրբ Նահատակների բարեխոսական կարգ:

Սևան համայնքի ղեկավարի առաջին տեղակալ Արթուր Մարգարյանի ուղեկցությամբ պսակադրման արարողակարգին մասնակցում էր Գրենոբլի պատվիրակությունը։

Սևան համայնքի ղեկավար Սարգիս Մուրադյանն ապրիլի 21-ին ընդունել է Հայաստան ժամանած, Սևանի քույր քաղաք Գրենոբլի միգրացիայի, միջազգային համագործակցության հարցերով փոխքաղաքապետ Էմանուել Կարրոզի գլխավորած պատվիրակությանը, որի կազմում էին Գրենոբլի քաղաքապետարանի ապակենտրոնացված համագործակցության հարցերով տնօրեն Ֆրանսուազ Նատյուրելը, Գրենոբլի և Դոֆինեի Հայկական մշակույթի տան նախագահ Դանիել Մարանջյանը, «Օվերն-Ռոն-Ալպ» հայկական ֆեդերացիայի նախագահ, հայկական համայնքի ներկայացուցիչ Գրեգուար Ատամյանը, Գրենոբլի և Դոֆինեի Հայկական մշակույթի տան փոխնախագահ Ժենյա Հակոբյանը և հաղորդակցության և մշակութային հարցերի պատասխանատու Վարսիկ Սարգսյանը։ 

Հանդիպման ընթացքում քննարկվել են երկուստեք հետաքրքրություն ներկայացնող մի շարք հարցեր։ 

Նույն օրը փոխքաղաքապետ Էմանուել Կարրոզի գլխավորած պատվիրակությունն այցելեց նաև Սևանի Ն. Դագարյանի անվան մանկապատանեկան մարզադպրոց: Պատվիրակությանն ուղեկցում էր Սևան համայնքի  ղեկավարի առաջին տեղակալ Արթուր Մարգարյանը: Սևանի մարզադպրոցի տնօրեն Գարիկ Ավետիսյանը հյուրերին ծանոթացրեց մարզդպրոցում գործող սպորտային խմբակներին, ներկայացրեց նաև մարզադպրոցի ձեռքբերումներն ու լավագույն սաներին, ովքեր մրցանակներ են շահել վերջին ամիսների ընթացքում: Այնուհետև Գենոբլից ժամանած հյուրերը դիտեցին Նվիրյալներ ռազմամարզական հասարակական կազմակերպության, մարզադպրոցի թաեքվոնդոի խմբակի սաների ելույթները և մեծ բավականություն ստացան: Հյուրերին սպասվում էր անակնկալ: Հայաստանի պաուերլիֆթինգի չեմպիոն, սևանցի Վարազդատ Հակոբյանը սահմանեց «Դյուցազնագրքի» նոր ռեկորդ՝ բարձրացնելով սկզբում 320 կգ, այնուհետև 350 կգ ծանրաձող և իր հաղթանակած մրցելույթը նվիրեց Գրենոբլից ժամանած պատվիրակությանը: