Ապրիլին անցկացվում է Ազգային գրադարանային շաբաթը։ Այս տարի շաբաթը մեկնարկեց ապրիլի 15-ին և կտևի մինչև ապրիլի 22-ը՝ «Գրադարանը՝ նորարարության հարթակ» կարգախոսով։
Սևանի Վահե Ստեփանյանի անվան կենտրոնական գրադարանի, Գրադարանների կենտրոնացված համակարգի Սևան համայնքի բնակավայրերի գրադարաններում շաբաթը հագեցած է տարբեր գրադարանային և մշակութային իրադարձություններով։
Սեմյոնովկայի գրադարանում կազմակերպվեց ցերեկույթ նվիրված Պարույր Սևակի 100-ամյակին։
Զովաբերի գրադարանում ձևավորվել և կազմակերպվել է «Հիշարժան տարեթվեր» խորագրի ներքո գործող
ուցահանդես և գրական ցերեկույթ` նվիրված հայ գրող, հասարակական-քաղաքական-մշակութային գործիչ,
թարգմանիչ Վրթանես Փափազյանի 160-ամյակին։ Ցերեկույթի մասնակից երեխաները ընթերցեցել են գրողի
ստեղծագործություններից։
Սևանի կենտրոնական գրադարանում Սևանի 4-րդ հիմն. դպրոցի 6ա դասարանի աշակերտները (դասղեկ՝
հայոց լեզվի և գրականության ուսուցչուհի Մերի Միքայելյան) ծանոթացել են գործող ցուցադրություններին։
Շնորհալի երեխաներից Սերինե Քամալյանը ընթերցել է իր իսկ գրած գեղեցիկ աքրոստիկոսը՝ նվիրված
սիրելի դասղեկին։
Այցը եզրափակվել է մանկական գրադարանում, որտեղ աշակերտները ծանոթացել են «Հեքիաթների
աշխարհում» ցուցադրությանը։
Սևանի ավագ դպրոցի 10-րդ դասարանի աշակերտները (դասղեկ՝ Ռուզաննա Դալլաքյան, հայոց լեզվի և
գրականության ուսուցչուհի Անահիտ Ավետիսյան) Սևանի կենտրոնական գրադարանում անցկացրել են բաց
դաս-քննարկում՝ նվիրված հայ մեծանուն գրող Րաֆֆու կյանքին ու ստեղծագործական գործունեությանը։
Մասնակցում էին նաև դպրոցի մեթոդմիավորման նախագահ Արմինե Ղազարյանը ու հայոց լեզվի և
գրականության ուսուցչուհի Էմմա Իսրայելյանը։ Քննարկումն անցավ հետաքրքիր մթնոլորտում՝ համեմված
ասմունքով և հետաքրքիր փաստերի ներկայացմամբ։ Վերջում աշակերտները գրքեր նվիրեցին գրադարանին։
Սևանի ԳԿՀ Ծաղկունքի գրադարանում հյուրընկալվել են Ծաղկունքի այլընտրանքային մանկապարտեզի երեխաները՝ դաստիարակներ Լ.Մկրտչյանի և Ա.Բադալյանի
ուղեկցությամբ: Երեխաները շրջել են գրադարանում, ծանոթացել օգտվելու կանոններին, իրականացվող աշխատանքներին: Այնուհետև
«Մանկական գրականություն» բաժնում երեխաները ունկնդրել են Հ.Թումանյանի «Սևուկ ուլիկը» հեքիաթը:
Երեխաները խաղացել են հայկական ժողովրդական խաղեր՝ «Հանելուկախաղ» և «Համրախաղ»: Շրջայցի ավարտին, փոքրիկներից
մի քանիսը արտասանել են քառյակներ։ Հագեցած ժամեր անցկացնելուց հետո, փոքրիկները հեռացել են գրադարանից՝ կրկին վերադառնալու ակնկալիքով։
Ազգային գրադարանային շաբաթը կշարունակվի մինչև ապրիլի 22-ը:
