GEGHAMA MEDIA HOLDING

0 Աշխարհը պետք է իմանա Հայաստանի զբոսաշրջային գրավչության մասին: Մարզերում ակնկալում ենք ակտիվացնել իրադարձային տուրիզմը և ծառայությունների որակը` դասընթացների և նմանատիպ քննարկումների միջոցով։ Զբոսաշրջության կոմիտեի նախագահ Լուսինե Գևորգյանը Սևանում հանդիպել է զբոսաշրջության ոլորտում գործող տնտեսվարողների և հետաքրքրված անձանց հետ:
Փետրվարի 22-ին Սևանում՝ «Նկուղ» ստեղծարար հարթակում տեղի ունեցավ հանդիպում ՀՀ Էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանի հետ: Հանդիպմանը մասնակցում էին ոլորտում գործող անձինք ու կազմակերպություններ, մարզային և համայնքային իշխանությունների ներկայացուցիչներ, զբոսաշրջության զարգացման հնարավորություններով հետաքրքրված անհատներ: Հանդիպման ընթացքում քննարկվել են զբոսաշրջության ոլորտի նոր միտումները, Գեղարքունիքի մարզում առկա ռեսուրսներն ու իրականացվող ծրագրերը, զարգացման հնարավորությունները: Իրականացվում է նոր օրենսդրական բարեփոխումներ զբոսաշրջության ոլորտում, ինչը առաջին անգամ է: Զբոսաշրջությունը կթվայնացվի: Կընդունվեն զբոսաշրջության մասին օրենքից  բխող մի շարք ենթաօրենսդրական ակտեր: Կոմիտեն մշակում է Հայաստանի զբոսաշրջության զարգացման 2025-2029թթ-ի ռազմավարությունը: Ցանկացած գործունեության ոլորտ պետք է հիմնաված լինի հիմնարար փաստաթղթի վրա՝ ինչպիսին հնգամյա ռազմավարական ծրագիրն է-նշեց  Զբոսաշրջության կոմիտեի նախագահ Լուսինե Գևորգյանը: Զբոսաշրջության կոմիտեն մեծ ուշադրություն է դարձնում միջազգային համագործակցությանը: ՀՀ էկոնոմիկայի նախարարությունը և Զբոսաշրջության կոմիտեն ակտիվորեն համագործակցում են  Հայաստանում գործող բոլոր դիվանագիտական և միջազգային ներկայացուցչությունների հետ արտերկրում կազմակերպվող միջազգային փառատոններին և ֆորումներին Հայստանի զբոսաշրջային գրավչությունը ներկայացնելու, ինչպես նաև մի շարք միջազգային կառույցներին անդամակցելու համար: 2025 թ․-ին ՀՀ ԷՆ Զբոսաշրջության կոմիտեն կներկայցնի Հայաստանը մի շարք միջազգային զբոսաշրջային ցուցահանդեսներին՝ Իսպանիայում, Գերմանիայում, Ռուսաստանում, Միացյալ Էմիրություններում, Միացյալ Թագավորությունում: Հայաստանը պետք է աշխարհին ներկայացնի իր «Թաքնված ուղղությունները, որոնց միջոցով կարող են ստեղծվել զբոսաշրջային ավելի մեծ հոսքեր դեպի Հայաստան։ Ներկայումս կոմիտեն համագործակցում է համաշխարհային բանկի, Գերմանիայի Դաշնության մի շարք գործակալությունների և կազմակերպությունների հետ, որնց հետ իրականացվում են մի շարք ծրագրեր: 2024թ-ին Հայաստան է այցելել 2 208 179 զբոսաշրջիկ, որը 2023թ-ի նույն ժամանակաշրջանի համեմատ ցածր է  4.6%՝ 2023-ին Հայաստան էր այցելել 2 316 000 զբոսաշրջիկ: Զբոսաշրջիկների մեջ գերակշռում են ռուսաստանցիները: Այս տարի կոմիտեն կաշխատի ներքին զբոսաշրջության ակտիվացման ուղղությամբ: Կանցկացվեն մի շարք փառատոններ, որոնք կներկայացնեն Հայաստանի գրավչությունը: Աշխատանք կա անելու մարզային ենթակառուցվածքների և ծառայությունների բարելավման ոլորտում: Հյուրասիրության, հյուրնկալության, մարկետինգային դասընթացներ կանցկացվեն բոլոր մարզերում զբոսաշրջության ոլորտում գործող տնտեսվարողների հետ: Այդ դասընթացներին կներգրավվեն նաև ուսանողները: Մարզերը կներկայանան իրենց զբոսաշրջային գրավչությամբ Երևան քաղաքում մայիսին կայանալիք փառատոնին: Կոմիտեն կշարունակի զարգացնել նաև ենթակառուցվածքները: Օրինակ Զբոսաշրջության կոմիտեի և Համաշխարհային բանկի և այլ միջազգային դոնոր կազմակերպությունների հետ  համագործակցությամբ իրականացվել են Տաթևի վանք տանող ճամնապարհի, Գյումրու Կումայրի պատմական շրջանի մասնակի վերականգնումը, Գյումրու Հաղթանակ պողոտայի վերականգնումը, Դվինի հուշարձանների վերականգնումը, Գառնի տաճարի տարածքի բարեկարգումը, Քարերի սիմֆոնիա տանող 600 մետրանոց ճանապարհի կառուցումը և այլն: Կզարգանա մարզային կլաստերային զբոսաշրջությունը՝ երեք փուլով, ներկայումս 7 մարզային կլաստերային քաղաքների համար մշակվել և գրեթե պատրաստ է զարգացման ծրագրերը, որոնք կտրամադրվեն համայնքին, իսկ համայնքը կիմանա, թե կոնկրետ զբոսաշրջության որ ուղղությամբ ներդրումներ կատարել: Հանդիպման մասնակիցները հարցեր ուղղեցին Լուսինե Գևորգյանին, ինչպես նաև հանդես եկան առաջարկներով և կարծիքներով: Սևանցի երիտասարդները ավանդույթի համաձայն  Զբոսաշրջության կոմիտեի նախագահին խնդրեցին Սևան այցի առիթով իր պատկերացմամբ ներկերից ստանալ զբոսաշրջության զարգացման գունապատկեր և վրձնի նկար թողնել, որպես խորհրդանիշ: Լուսինե Գևորգյանը լճի նպատակային 1903.5 մ  մակարդակին, որ նախորդ հանդիպումից թողել էր ՀՀ Շրջակա միջավայրի նախարարի տեղակալ Արամ Մեյմարյանը,  ավելացրեց նաև կոմիտեի կողմից որպես թիրախայյին նշացող սահմանված  3 000 000 զբոսաշրջիների թիվը, որ կայցելեն Հայաստան ապագայում, կանաչ գույնն էլ, որպես շրջակա միջավայրի պահպանումը խորհրդանշող գույն: Ներկաները շնորհակալություն հայտնեցին Զբոսաշրջության կոմիտեի նախագահ Լուսինե Գևորգյանին իրենց հրավերը չմերժելու և օրվա հետաքրքիր ու բովանդակալից հանդիպման համար: