Գեղամա Հեռուստաընկերություն » Սևանի գրադարանում դպրոցականներն հանդիպեցին պատերազմի մասնակիցների հետ:
Սևանի գրադարանում դպրոցականներն հանդիպեցին պատերազմի մասնակիցների հետ:
Հեղինակ` SevanTV1 ամսաթիվ` 27-01-2025, 14:26, դիտել են` 31
0
Հայոց բանակի կազմավորման 33 -ամյակին ընդառաջ հունվարի 25-ին «Սևան համայնքի Վ. Ստեփանյանի անվան ԳԿՀ» ՀՈԱԿ-ի կենտրոնական գրադարանում տեղի ունեցավ «Ազգ-բանակ-հայրենիք» խորագրով հանդիպում Արցախյան պատերազմների մասնակից սևանցիներիներ գնդապետ Արման Գրիգորյանի, փոխգնդապետ Մարտիրոս Գալստյանի, մայոր Վահե Խաչատրյանի, մայոր Արթուր Սարգսյանի, ժամկետային զինծառայությունից վերադարձած սերժանտ Եսայի Արզիևի, շարքային Տիգրան Մնացականյանի հետ։ Հանդիպմանը մասնակցում էին Սևանի համայնքապետարանի աշխատակազմի քարտուղար Արմենուհի Ղուկասյանը, համայնքապետարանի աշխատակիցներ, Սևանի Յակով Զարոբյանի անվան N2 հիմնական դպրոցի բարձր դասարանների աշակերտները, դպրոցի ուսուցիչները, գրադարնի աշխատակիցներ: Հանդիպման սկզբում ներկայացվեց զինվորականների կենսագրությունը, նրանց անցած մարտական ուղին: Արցախյան վերջին պատերազմներով անցածները պատմեցին, թե այդ օրերին ինչ դժվարություններ են կրել, սակայն կարողացել են բարձր պահել հայ զինվորի պատիվը, կռվել մինչև վերջին փամփուշտը, օգնել ընկերոջը և դուրս եկել շրջափակումներից՝ թշնամուն պատճառելով մեծ կորուստներ: Ցավոք ունեցել ենք անդառնալի կորուստներ՝ բազմաթիվ լուսավոր տղաներ, ովքեր իրենց կյանքը նվիրեցին հայրենիքին: Դպրոցականները, ովքեր շուտով համալրելու են Հայոց բանակի շարքերը, բազմաթիվ հարցեր ուղղեցին պատերազմների բոհով անցած սպաներին և շարքային զինվորականներին: Խորհուրդը մեկն էր. Հայրենիքը սկսվում է ընտանիքից, քո բնակավայրից, որտեղ ապրում ես: Գիտակցել, որ մեր բանակն էլ մի ընտանիք է, որի համար յուրաքանչյուրս ենք պատասխանատու: Երիտասարդը, ով մեկնում է Հայրենիքին իր պարտքը տալու, պետք է լինի պատրաստակամ, պատասխանատու, կարգապահ զինվոր իր երկրի համար, պատրաստ լինի կատարաելու ցանկացած մարտական առաջադրանք: Մեր բանակն այսօր էլ է մարտունակ՝ շնորհիվ մեր 18-20 տարեկան խիզախ երիտասարդների և ուշիմ ու խելացի հրամանատարների:-նշեցին կռիվներով անցած սպաներն ու արդեն իրենց ծառայությունն ավարտած երիտասարդները: Հանդիպումն անցավ ջերմ ու անմիջական մթնոլորտում, պատերազմների ճանապարհներով անցածները ներկայացրին դրվագներ, խոսեցին իրենց ընկերների մասին, կիսվեցին իրենց հույզերով ու խոհերով: Բանախոսները դպրոցականներին ներկայացրին և կոչ արեցին անդամագրվել Սևանում գործող «Նվիրյալներ» ռազմամարզական ՀԿ-ին և «Ողջ մնալու արվեստ»-ի (ՈՄԱ) Սևանի մասնաճյուղին, որտեղ յուրաքանչյուր 15 տարին լրացած տղաներն ու աղջիկները կարող են անվճար ձեռք բերել գիտելիքներ, անցնել ֆիզիկական պատրաստվածություն, առաջին բուժօգնություն, մասնակցել ուսումնամարզական ճամբարների, կոփվել և պատրաստ լինել համալրելու Հայոց բանակի շարքերը: Այս հանդիպումը ևս մեկ առիթ էր հիշելու բոլոր ժամանակների հերոսներին, խոնարհվելու նրանց հիշատակի առաջ, որոնք իրենց կյանքի գնով մեզ պատգամել են` սիրել հայրենիքը, պաշտպանել ու հզորացնել այն: Սևանի համայնքապետարանի աշխատակազմի քարտուղար Արմենուհի Ղուկասյանը Սևան համայնքի ղեկավար Սարգիս Մուրադյանի անունից շնորհավորեց ներկաներին Հայոց բանակի 33-րդ տարեդարձի առթիվ և հայրենիքին անձնուրաց ծառաելու, պաշտպանական մարտերին մասնակցելու, նվիրումի և Հայոց բանակի 33-րդ տարեդարձի առթիվ շնորհակալագրեր հանձնեց գնդապետ Արման Գրիգորյանին, փոխգնդապետ Մարտիրոս Գալստյանին, մայոր Վահե Խաչատրյանին, մայոր Արթուր Սարգսյանին, սեժանտ Եսայի Արզիևին, շարքային Տիգրան Մնացականյանին: Նվիրյալներ ռազմամարզական ՀԿ նախագահ Արման Գրիգորյանն էլ իր հերթին Հայոց բանակի 33-րդ տարեդարձի առթիվ շնորհակալագրեր հանձնեց Սևան համայնքի ղեկավար Սարգիս Մուրադյանին, «Սևան համայնքի Վ. Ստեփանյանի անվան ԳԿՀ» ՀՈԱԿ-ի տնօրեն Ֆրունզե Հարությունյանին, Սևանի Յակով Զարոբյանի անվան N2 հիմնական դպրոցի տնօրեն Կարինե Գևորգյանին, փոխգնդապետ Մարտիրոս Գալստյանին, մայոր Վահե Խաչատրյանին, մայոր Արթուր Սարգսյանին, սեժանտ Եսայի Արզիևին, շարքային Տիգրան Մնացականյանին: Հունվարի 28-ին Սևան համայնքում նախատեսված են այցեր, պսակադրման և ծաղկադրման արարողակարգեր Հայոց բանակի նվիրյլաների` մեր անմահ հերոսների հիշատակը հավերժացնող հուշահամալիրներ, արցախյան հերոսամարտերի հերոսների շիրիմներ: Նույն օրը՝ ժամը 19:00-ին, Սևանի Ս. Զաքարյանի անվան մշակույթի կենտրոնում կազմակերպվելու է տոնական համերգ՝ նվիրված Հայոց բանակի կազմավորման 33-րդ տարեդարձին:
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
