Գեղամա Հեռուստաընկերություն » ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁՆ ԱՄԱՆՈՐԻ ԵՎ ՍՈՒՐԲ ԾՆՆԴՅԱՆ ՏՈՆԵՐԻ ԱՌԹԻՎ
ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁՆ ԱՄԱՆՈՐԻ ԵՎ ՍՈՒՐԲ ԾՆՆԴՅԱՆ ՏՈՆԵՐԻ ԱՌԹԻՎ
Հեղինակ` SevanTV1 ամսաթիվ` 3-01-2025, 10:15, դիտել են` 46
0
ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁՆ ԱՄԱՆՈՐԻ ԵՎ ՍՈՒՐԲ ԾՆՆԴՅԱՆ ՏՈՆԵՐԻ ԱՌԹԻՎ. Սիրելի հայրենակիցներ, Սևան համայնքի հարգելի բնակիչներ, Ավարտվում է 2024 թվականը, որն աշխատանքի, արարման, մարտահրավերներին դիմակայելու տարի էր: Պատմությանն ենք հանձնում մեր հաջողություններն ու ձեռքբերումները, մեր դժվարություններն ու հիշողությունները: Անցնող տարին ամփոփելիս արձանագրում ենք, որ հավասարակշռված գործելաոճի, համակարգված աշխատանքի շնորհիվ հնարավոր եղավ ապահովել համայնքային կյանքի բնականոն ռիթմը և գրանցել առաջընթաց: Այո, քիչ չէին դժվարությունները, սակայն պատասխանատվության, իրավիճակը ճիշտ գնահատելու և պատրաստվածության շնորհիվ կարողացել ենք իրականացնել համայնքապահպան բազմաթիվ ծրագրեր: Տարվա ընթացքում միմյանց հաջորդած համագործակցային, գործընկերային հարաբերությունների հաստատման արդյունքում հնարավոր եղավ մի շարք ոլորտներում առկա խնդիրներին տալ առարկայական լուծումներ, ունենալ տեսանելի և ակնառու առաջընթաց: Նոր հեռանկարների ակնկալիքով, զարգացման ու համայնքապահպան ծրագրերով ոտք ենք դնում 2025թվական` կարևորելով յուրաքանչյուրի, համայնքում գործող կազմակերպությունների, ընկերությունների և հաստատությունների մասնակցությունը սոցիալ-տնտեսական, կրթամշակութային, զարգացման ծրագրերի իրականացման գործում, ու այն ամենն, ինչ հաջողությամբ կարողացանք գաղափարից դարձնել գործ, յուրաքանչյուրի ներդրման, պատասխանատու ու սրտացավ աշխատանքի արդյունքն է: Շնորհիվ մեր լավագույն գործընկերների և մեր համայնքի բնակիչների կարողացանք գրանցել լուրջ ձեռքբերումներ, որոնք, կարծում եմ, տեսանելի են ու ակնառու: Այս տոնական պահին, երբ ի մի է բերվում արվածը, ցանկանում եմ շնորհակալություն հայտնել միջազգային ու տեղական կազմակերպություններին, Սևան համայնքի ավագանու անդամներին, պետական կառույցներին ու անհատներին, որոնք համայնքային կյանքում ունեցան իրենց դերակատարումը, շնորհակալություն եմ հայտնում նրանց, որոնք հավատացին և վստահեցին տեղական իշխանությանը` դառնալով լավագույն և հուսալի գործընկեր, նպաստելով Սևան համայնքի զարգացմանը: Սիրելի հայրենակիցներ Մեր երկրի համար կարևորագույն ու բախտորոշ այս ժամանակահատվածում, երբ առաջնահերթ են անվտանգության ու խաղաղության ապահովման հիմնախնդիրները, երբ մարտահրավերները հաջորդում են միմյանց, մենք պետք է դառնանք առավել քան համախմբված ու պետականամետ: Ցանկանում եմ, որ 2025թվականը դիմավորեք լավատեսական տրամադրությամբ ու նորի ակնկալիքով: Ցանկանում եմ, որ Սևանն ապրի զարգացման նոր շրջան, իսկ Սևան համայնքի բնակավայրում ապրող բնակիչներն այստեղ տեսնեն իրենց և իրենց երեխաների ապագան: Տոնական այս պահին առանձնահատուկ շնորհավորում եմ նորաստեղծ ընտանիքներին` նրանց մաղթելով սեր և միություն, այն ընտանիքներին, որոնց հարկի տակ տարին իմաստավորվեց մանկան ծնունդով. թող մանկան ճիչը լույս ու ջերմություն բերի մեր ընտանիքներին: Շնորհավորում եմ այն ընտանիքներին, որոնց զավակները գտնվում են զինվորական ծառայության մեջ` ապահովում մեր խաղաղությունն ու անվտանգությունը: Մեր զինվոր տղաներին մաղթում եմ անվտանգ ծառայություն և բարի վերադարձ: Շնորհավորում եմ մեր տարեցներին, տատիկ, պապիկներին` նրանց մաղթելով բարեկեցություն և արժանապատիվ կյանք, առողջություն և հոգեկան հանգստություն: Շնորհավորում եմ նրանց, որոնք այս պահին իրենց ծառայությունը և աշխատանքային պարտականություններն են կատարում, որպեսզի մեր ամանորյա գիշերն անցնի խաղաղ և հանգիստ: Խոնարհվում եմ այն ընտանինքների առաջ, որոնք ունեն թանկ ու անդառնալի կորուստներ, հավերժ փառք մեր հերոսներին, որոնք դարձել են անմահության մարտիկներ։ Դիմում եմ Սևանի տարածաշրջանի բոլոր բնակիչներին, մեր հայրենակիցներին Իմ, համայնքապետարանի աշխատակազմի, բնակավայրերի վարչական ղեկավարների և համայնքի ավագանու անդամների անունից ընդունեք Ամանորի բարեմաղթանքներս ու շնորհավորանքներս: Թող 2025 թվականը վստահորեն, հավատով, ջերմությամբ մտնի մեր օջախներ, իր թարմ շնչով բերի բերկրանք և ուրախություն, անսպառ սեր ու լավատեսություն մեր հայրենակիցներին: Մեր երկրին և մեր ժողովրդին մաղթում եմ կայուն խաղաղություն և առաջընթաց, մեր համայնքին և նրա բնակիչներին` բարօրություն և զարգացում, մեր ընտանիքներին` բարգավաճում, սեր երջանկություն, արժանապատիվ կյանք, յուրաքանչյուրին` առողջություն, երկարակեցություն, բարեկեցություն, աշխատանքային ու անձնական հաջողություններ, հավատ ապագային նկատմամբ: Թող 2025 թվականը դառնա մեր իղձերի, նպատակների, ցանկությունների հանգրվանը, լինի մտքի ու ձիրքի, լավագույն ծրագրերի, արժանապատիվ աշխատանքի, ձգտումների և նոր բարձունքներ նվաճելու ու կայուն առաջընթացի տարի, թող խաղաղությունը թևածի հայոց երկնակամարում, իսկ Սևան համայնքը միավորող յուրաքանչյուր բնակավայր իր առանձնահատկություններով ու դիմագծով ամբողջացնի մեր համայնքի դեմքն ու դիմագիծը: Շնորհավոր Ամանոր և Սուրբ Ծնունդ
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
