» «Հայրենիքի պաշտպանության ինքնազոհ հերոսներ» ՀԿ-ն հյուրընկալեց զոհված ազատամարտիկների երեխաներին:

 
 
 

«Հայրենիքի պաշտպանության ինքնազոհ հերոսներ» ՀԿ-ն հյուրընկալեց զոհված ազատամարտիկների երեխաներին:

Հեղինակ` SevanTV1 ամսաթիվ` 29-12-2024, 13:45, դիտել են` 51

0 «Հայրենիքի պաշտպանության ինքնազոհ հերոսներ» բարեգործական հասարակական կազմակերպությունը դեկտեմբերի 28-ին Սևան համալիրում հյուրընկալել էր Արցախյան պատերազմներում Սևանի տարածաշրջանից զոհվածների ընտանիքների երեխաներին՝ տոնելու գալիք Ամանորն ու Սուրբ Ծնունդը: Սևան համալիրում երեխաները հաճելի ու անակնկալներով լի օր անցկացրեցին՝ շնորհիվ «Հայրենիքի պաշտպանության ինքնազոհ հերոսներ» բարեգործական հասարակական կազմակերպության այս նախաձեռնության: Պատերազմում զոհված մեր հայրենակիցների ընտանիքների երեխաների համար ամանորի տոնական միջոցառմանը  հյուր եկան Ձմեռ Պապն ու Ձյուն Անուշը:  Երեխաների սպասված նվերներն ու երգ ու պարը երեխաների օրն ավելի հետաքրքիր դարձրեցին: Այս միջոցառումը կազմակերպվել էր «Հայրենիքի պաշտպանության ինքնազոհ հերոսներ» բարեգործական ՀԿ-ի նախագահ, 44-օրյա պատերազմի մասնակից, պատերազմում երկու ձեռքերը կորցրած Վարազդատ Սանեյանի և իր ընկերների  նախաձեռնությամբ, ինչպես նաև համագործակցելով Սևան համալիրի հետ։ «Հայրենիքի պաշտպանության ինքնազոհ հերոսներ» ՀԿ-ի նպատակն է օգնել պատերազմի մասնակիցներին, պատերազմում վիրավորված, հաշմանդամություն ձեռք բերած անձանց, ինչպես նաև զոհվածների ընտանիքներին՝ տրամադրելով սոցիալ-հոգեբանական, ֆինանսական աջակցություն: Կազմակերպությունը վերջին ամիսների իրականացրել է զոհված ազատամարտիկների գերեզմանների արևային պանելներով լուսավորության աշխատանքներ, որոնք կշարունակվեն նաև 2025-ին: Կազմակերպությունը գործում է Գեղարքունիքի մարզի Սևանի տարածաշրջանում, այնուհետև իր գործունեությունը ծավալելու է հանրապետության մասշտաբով: Կազմակերպությանն անդամագրվել կամ աջակցել ցանկացողները կարող են դիմել «Հայրենիքի պաշտպանության ինքնազոհ հերոսների» բարեգործական ՀԿ:

Խումբ` ---

Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով: