Գեղամա Հեռուստաընկերություն » ՄԻԱՍԻՆ համահայկական ՀԿ-ն Ամանորին ընդառաջ իրականացրեց «Խաղաղ Ամանոր» բարեգործական ծրագիրը
ՄԻԱՍԻՆ համահայկական ՀԿ-ն Ամանորին ընդառաջ իրականացրեց «Խաղաղ Ամանոր» բարեգործական ծրագիրը
Հեղինակ` SevanTV1 ամսաթիվ` 23-12-2024, 12:02, դիտել են` 46
0
«Միասին» համահայկական ՀԿ-ն Ամանորի և Սուրբ Ծննդյան տոներին ընդառաջ արդեն երրորդ անգամ Հայաստանում ապրող սոցիալապես անապահով, Արցախյան 44- օրյա պատերազմում զոհված հայորդիների, Արցախից բռնի տեղահանված ընտանիքների երեխաների համար իրականացրեց «Խաղաղ Ամանոր» բարեգործական ծրագիրը: Այս տարի տոնական միջոցառումն անցկացվեց Լճաշեն գյուղի «Էթիունի» հյուրատանը, որի ժամանակ 40 երեխայի փոխանցվեց նախապես պատրաստած նվերները: Ծրագրում ներառված էին Լճաշեն և Գագարին բնակավայրերի վերը նշված թիրախային խմբերի երեխաները: Նրանց հյուր եկավ «Գայլուկ» շոուն, ելույթ ունեցան Լճաշենի Արվեստի դպրոցի սաները: Վերջում Ձմեռ Պապը բաժանեց նվերները: «Խաղաղ Ամանոր» բարեգործական ծրագիրն առաջին անգամ իրականացվել է 2022 թվականին Էջմիածին քաղաքում: «Միասին» համահայկական ՀԿ-ի սփյուռքյան գործընկերների նվիրատվությունների շնորհիվ երեխաները Էջմիածնի Մաչանենց թատրոնում դիտեցին «Ինչպես Գրինչը գողացավ Սուրբ Ծնունդը» ամանորյա ներկայացումը, որից հետո նրանց բաժանվեցին տաք հագուստներ և քաղցրավենիք: 2023 թվականին ծրագրի անմիջական մասնակիցներն են դարձել հանրային տարբեր ոլորտների ներկայացուցիչներ՝ երգիչներ, դերասաններ, հաղորդավարներ, մարզիկներ և այլք: Նրանք «Միասին» ՀԿ-ի հորդորով երկու երեխայի համար նվերներ պատրաստեցին, որոնք երեխաներին փոխանցվեցինք «Montana Music House»-ում կայացած տոնական միջոցառման ժամանակ: 2024 թվականի ծրագրի անմիջական նվիրատուներն են «Միասին» համահայկական ՀԿ-ի սփյուռքյան գործընկերները (կազմակերպություններ, երիտմիություններ, կիրակնօրյա դպրոցներ, մշակութային խմբեր, հանրային ոլորտի ներկայացուցիչներ Հայաստանից և Սփյուռքից և պարզապես անհատներ):
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
