Գեղամա Հեռուստաընկերություն » Տեղի ունեցավ Սևան համայնքի ավագանու 2024թ-ի տարեվերջյան նիստը:
Տեղի ունեցավ Սևան համայնքի ավագանու 2024թ-ի տարեվերջյան նիստը:
Հեղինակ` SevanTV1 ամսաթիվ` 17-12-2024, 14:00, դիտել են` 52
0
Դեկտեմբերի 17-ին տեղի ունեցավ Սևան համայնքի ավագանու 2024թ-ի տարեվերջյան նիստը: Մինչ օրակարգային հարցերի հաստատմանն անցնելը, Սևան համայնքի ղեկավար Սարգիս Մուրադյանն անդրադարձ կատարեց տարվա ընթացքում իրականացված աշխատանքներին, նշեց, որ դրանք` ֆինանսական գործառույթներից մինչև ծրագրեր, ընթանում են բնականոն ընթացքով: Նիստին ներկայացված օրակարգային հարցերը հաստատելուց հետո դրանք ներկայացվեցին ավագանու անդամների քննարկմանը: Առաջին հարցով Սևան համայնքի ավագանին փոփոխություն կատարեց Սևան համայնքի ավագանու՝ 2024 թվականի փետրվարի 8-ի՝ «Սևան համայնքի 2024 թվականի բյուջեն հաստատելու մասին» N 4-ն որոշման մեջ, հաստատեց Սևան համայնքի ղեկավարի պաշտոնային դրույքաչափը, Սևանի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը եվ պաշտոնային դրույքաչափերը, Սևան համայնքի ենթակայության համայնքային ոչ առեվտրային կազմակերպությունների /ՀՈԱԿ-ներ/` աշխատակիցների թվաքանակը, հաստիքացուցակը եվ պաշտոնային դրույքաչափերը՝ թողնելով դրանք նույնը: Այնուհետև ավագանին հաստատեց Սևան համայնքի 2025 թվականի բյուջեի նախագիծը: Ինչպես նշեց համայնքի ղեկավարը, համայնքի ֆինանսական գլխավոր փաստաթուղթը հավասարակշռված է և տնտեսողական, որը հնարավորություն է տալու առաջիկա տարում ևս իրականացնել մեծածավալ աշխատանք, ավելացնել սեփական եկամուտները: Հաստատվեց նաև Սևան համայնքի կողմից սեփականության իրավունքով ձեռքբերված գույքի գույքագրման փաստաթղթերը, Սևանի համայնքապետարանի խնամակալության եվ հոգաբարձության հանձնաժողովի քանակական եվ անհատական կազմը: Ավագանին սահմանեց Սևան համայնքում մինչեվ 18 տարեկան անձանց կողմից անհատական շարժունակության (տեղաշարժման) միջոցներով երթևեկության թույլատրվող եվ արգելվող վայրերը, Սևան համայնքում 2025 թվականի` հողօգտագործման, բնակելի ու ոչ բնակելի տարածքների, հողօգտագործման վարձավճարները եվ այլ տեղական վճարները, համայնքային սեփականություն հանդիսացող հողերն աճուրդ-վաճառքի միջոցով օտարելու, վարձակալության կամ կառուցապատման իրավունքով տրամադրելու կարգը: Ավագանին համաձայնություն տվեց Սևան համայնքի վարչական տարածքում գտնվող պետական սեփականություն հանդիսացող հողամասի օտարմանը և Դդմաշեն բնակավայրի մանկապարտեզ» ՀՈԱԿ-ում նոր խումբ ավելացնելուն: «Քրիստալ Լեյք Հոլդինգս» ՍՊԸ-ի կողմից Սևան համայնքի Չկալովկա եվ Նորաշեն բնակավայրերի ափամերձ հատվածում տեղակայված հողատարածքներում նախատեսվող հյուրանոցային համալիրի եվ բազմաֆունկցիոնալ կոնֆերանս կենտրոնի կառուցմանը ավագանին տվեց նախնական համաձայնություն: Սևան համայնքի ավագանին քննարկեց նաև քաղաքացիներից և իրավաբանական անձանցից ստացված մի շարք դիմումներ: Սևան համայնքի ղեկավար Սարգիս Մուրադյանը շնորհավորելով ներկաներին և Սևան համայնքի բնակիչներին գալիք Ամանորի և Սուրբ Ծննդյան տոների առթիվ, մաղթելով ամրություն, տոկունություն, խաղաղություն և կայուն զարգացում, միաժամանակ շեշտեց, որ տարին ամփոփում են ձեռքբերումներով, բյուջեի կատարողականի թափանցիկությամբ տեսանելի արդյունքով, ինչը համայնքապետարանի աշխատակազմի և համայնքի ավագանու համագործակցված աշխատանքի շնորհիվ է: Համայնքի ղեկավարը վստահություն հայտնեց, որ այս տեմպերը կշարունակվեն նաև 2025 թվականին: -«Ակնառու է իրականացված աշխատանքը, քիչ չեն նաև հիմնախնդիրները, որոնց ուղղությամբ աշխատանքները լինելու են շարունակական»,-հավելեց Սարգիս Մուրադյանը: Շուտով կվառվեն Սևան համայնքի գլխավոր տոնածառի լույսերը: Սևան համայնքի ավագանու 7-րդ նստաշրջանը կմեկնարկի 2025թ թվականի փետրվարին:
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
