Գեղամա Հեռուստաընկերություն » ՍԵՎԱՆ ՀԱՄԱՅՆՔԻ ՂԵԿԱՎԱՐ Ս. ՄՈՒՐԱԴՅԱՆԻ ՈՒՂԵՐՁԸ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ՄԻՋԱԶԳԱՅԻՆ ՕՐՎԱ ԱՌԹԻՎ
ՍԵՎԱՆ ՀԱՄԱՅՆՔԻ ՂԵԿԱՎԱՐ Ս. ՄՈՒՐԱԴՅԱՆԻ ՈՒՂԵՐՁԸ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ՄԻՋԱԶԳԱՅԻՆ ՕՐՎԱ ԱՌԹԻՎ
Հեղինակ` SevanTV1 ամսաթիվ` 3-12-2024, 11:47, դիտել են` 61
0
Դեկտեմբերի 3-ին՝ միանալով միջազգային հանրությանը, նշում ենք Հաշմանդամություն ունեցող անձանց միջազգային օրը, որի հռչակմամբ կարևորվում են հաշմանդամություն ունեցող անձանց խնդիրները, նրանց կյանքի որակի բարելավմանն ուղղված միջոցառումները, բարեփոխումներին միտված և լիակատար ինտեգրմանն ուղղված ծրագրերը: Անկախ պայմաններից և առկա միջավայրից՝ յուրաքանչյուրս պետք է գիտակցենք, որ հաշմանդամություն ունեցող անձանց իրավունքները կարող են իրացվել միայն մեր վարքագծային փոփոխությունների և վերաբերմունքի արդյունքում: Իհարկե, ոլորտային հիմնախնդիրները քիչ չեն` միջավայրի մատչելիությունից մինչև հավասար պայմանների ապահովում, բժշկասոցիալական միջոցառումներից մինչև զբաղվածության հասցեականություն, համարժեք վերաբերմունքի ձևավորումից` հասարակության իրազեկվածության բարձրացմանը ուղղված միջոցառումների իրականացում: Կարևորելով հաշմանդամություն ունեցող անձանց խնդիրների լուծմանն ուղղված ծրագրերի նշանակությունը և դրանց երկարաժամկետ ազդեցությունը՝ Սևան համայնքի, Ջինիշյան հիշատակի հիմնադրամի և Սևանի բժշակական կենտրոնի համագործակցությամբ արդյունավետ գործում են երեխաների և մեծահասակների վերականգնողական կենտրոնները, որոնք ծառայություններ են մատուցում հաշմանդամության և զարգացման հապաղումներ ունեցող երեխաներին և մեծահասակներին` առողջապահական գործունեությանը զուգակցելով հոգեբանական աշխատանքը, միաժամանակ ապահովելով վերականգնողական գործընթացի շարունակականությունը: Ես ցանկանում եմ, որպեսզի մեր կողքին ապրող սահմանափակ կարողությունների տեր անձինք հնարավորություն ունենան լիարժեք իրացնել իրենց քաղաքացիական, սոցիալական, մշակութային իրավունքները, իսկ մենք էլ, յուրքանաչյուրս մեր հնարավորությունների չափով, պատրաստակամ լինենք, աջակցելու և նպաստելու նրանց իրավունքների իրացմանը` դառնալով զգայուն և արձագանքող հասարակություն, որի շնորհիվ կձևավորվի համերաշխ և ներառական միջավայր: Յուրաքանչյուր անձ այս հասարակության լիարժեք անդամն է, հաշմանդամության խնդիրներ ունեցող անձինք էլ հավասար են բոլոր հավասարների մեջ, որոնք իրենց ներկայությամբ, աշխատանքով նպաստել և այսուհետ էլ նպաաստելու են մեր երկրի և մեր համայնքի զարգացմանը: Սիրելի հայրենակիցներ, Տեղական իշխանությունը` ի դեմս համայնքի ղեկավարի, համայնքի ավագանու, համայնքապետարանի աշխատակազմի, բնակավայրերի վարչական ղեկավարների, լինելու են ձեր կողքին, պատրաստակամ` աջակցելու և նպաստելու ձեր խնդիրների լուծմանը: Մաղթում եմ ձեզ արևշատություն, առողջություն, արժանապատիվ կյանք, հասարակական ու համայնքային կյանքին մասնակցելու ձեր իրավունքների լիարժեք իրացում:
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
