Գեղամա Հեռուստաընկերություն » Սևան քաղաքի Նաիրյան փողոցում իրականացվում են նոր ծառատեսակի տեղադրման աշխատանքներ:
Սևան քաղաքի Նաիրյան փողոցում իրականացվում են նոր ծառատեսակի տեղադրման աշխատանքներ:
Հեղինակ` SevanTV1 ամսաթիվ` 15-10-2024, 12:50, դիտել են` 22
0
Այս օրերին Սևան համայնքի Սևան քաղաքի Նաիրյան փողոցում իրականացվում են նոր ծառատեսակի տեղադրման աշխատանքներ: Նաիրյան փողոցում գտնվող գերհասուն, կենսունակության ավարտին մոտ, սաղարթ չունեցող բալզամային բարդիները փոխարինվում են ակացիաներով: Սևանի համայնքապետարանի կողմից քաղաքի Նաիրյան փողոցում իրականացված ծառերի գույքագրման և մշտադիտարկման արդյունքների հիման վրա համայնքը դիմել էր Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ին՝ մասնագիտական աջակցություն և եզրակացություն տրամադրելու համար: Հունիս ամսին տրվել էր համապատասխան եզրակացություն, համաձայն որի՝ Սևան քաղաքի մոտ 2.5կմ երկարություն ունեցող Նաիրյան փողոցում գտնվող գերհասուն, կենսունակության ավարտին մոտ, սաղարթ չունեցող բալզամային բարդիները ենթակա են հատման և փոխարինման: Հանձնաժողովն առաջարկել էր առկա բալզամային բարդիները հատել և փոխարինել Սևան համայնքի բնակլիմայական պայմաններին հարմարված այլ ծառատեսակներով՝ թխկի, կաղնի, ակացիա, արոսենի և այլն: Ծառերի հատման համար Սևանի համայնքապետարանի կողմից հայտարարված մրցույթի արդյունքներով շահած կազմակերպության՝ «Ջիջի նատուրալս» ՍՊԸ-ի կողմից իրականացվել են հատման աշխատանքներ: Այժմ իրականացվում են նոր ծառատեսակի՝ ակացիայի տեղադրման աշխատանքները: Սևանի համայնքապետարանի կողմից հայտարարված մրցույթի արդյունքում շահած «Արմեն Մստոյան» ԱՁ-ի կողմից Նաիրյան փողոցում կտեղադրվի 322 ակացիա:
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
