0
ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁՆ ՈՒՍՈՒՑՉԻ ՕՐՎԱ ԱՌԹԻՎ
Հարգարժան ուսուցիչներ Կրթության բնագավառի ներկայացուցիչներ, Ակնածանքով և երախտագիտության մեծ զգացումով շնորհավորում եմ Ձեզ` մասնագիտական տոնի` Ուսուցչի օրվա առթիվ: Այս գեղեցիկ տոնը յուրաքանչյուրինս է, քանի որ բոլոր ճանապարհներն անցնում են դպրոցով, դպրոցն է մեր սկիզբը: Ինչքան էլ հարափոփոխ լինի կյանքը, զարգանան տեխնոլոգիաները, միևնույն է, դպրոցի սյուները եղել և մնում են ուսուցիչները, որոնց դերը դպրոցապահպան գործում առաջնահերթ է և որոշիչ: Անկախ ժամանակներից ու տարիքից՝ յուրաքանչյուրն իր հոգու մի անկյունում պահում է ուսումնառության տարիների թանկ հիշողությունները, որոնք ամբողջանում են իրենց ուսուցիչների սերմանած դասերով ու կերպարով: Անշուշտ, ուսուցչի աշխատանքի լավագույն գնահատականը տալիս են սաները, որոնք իրենց գիտելիքներով և իմացությամբ քննություն են բռնում կյանքում: Ամենակարևոր դասն էլ, որ մեր մանկավարժները տվել ու տալիս են իրենց սաներին, հայրենապաշտության և հայրենասիրության դասերն են, որոնք մեր մեջ կրում և որոնցով առաջնորդվում ենք ողջ կյանքի ընթացքում: Ակնհայտ է, որ այս բարդ, չափազանց պատասխանատու ժամանակաշրջանում ուսուցիչների աշխատանքն առավել քան կարևոր է և որոշիչ: Կրթական ոլորտի բարեփոխումներն էլ կյանքի են կոչվում և դառնում իրողություն հենց նվիրյալ ուսուցիչների պատվախնդիր ու ջանադիր աշխատանքի շնորհիվ: Այս տոնական պահին առանձնակի սիրով ցանկանում եմ շնորհավորել մեր ավագ սերնդի մանկավարժներին, նրանց, որոնք տասնամյակներ շարունակ կրթում են սերունդներ, նրանց, որոնք այս օր էլ շարունակում են իրենց աշխատանքը` օրինակ դառնալով կրտսեր գործընկերների համար, նրանց, որոնք անցել են վաստակած հանգստի, սակայն իրենց թողած ձեռագրով և կենսափորձով լավագույն օրինակ են երիտասարդների համար: Եվս մեկ անգամ փաստենք, որ դպրոցին շունչ ու ոգի տվողն ուսուցիչներն են, դպրոց պահպանողն ու ապրեցնողները` կրթության նվիրյալները: Հարգարժան ուսուցիչներ Դուք ոչ միայն շարունակում եք մանկավարժական մեծ համայնքի լավագույն ավանդույթները, այլ նաև աշխատում եք ժամանակի պահանջներին համահունչ, ձեր ազգանվեր առաքելությանը հավատարիմ: Շնորհավորանքի խոսքերս եմ հղում համայնքի նախադպրոցական ուսումնական հաստատությունների դաստիարակներին և մանկավարժներին: Մանկակրթման և դաստիարակման, հայապահպանման ու հայրենասիրության սերմանման բարդ ու պատվաբեր գործի ակունքներում եք դուք և ձեր կոչմանն հավատարիմ` ապահովում եք մեր երեխաների նախադպրոցական կրթությունն ու դաստիարակությունը: Ուսուցչի օրվա առթիվ շնորհավորում եմ Սևանի բազմագործառութային քոլեջի դասախոսներին, մանկավարժներին, որոնք կոչված են իրականացնելու շատ կարևոր առաքելություն: Շնորհավորանքներս եմ հղում արտադպրոցական հաստատությունների խմբավարներին և դասատուներին, որոնք իրենց կարևոր և պատասխանատու աշխատանքի շնորհիվ ձևավորում են վաղվա քաղաքացուն: Հարգարժան ուսուցիչներ Բարդ ու հարափոփոխ, մարտահրավերնորվ լի այս ժամանակահատվածում, երբ վերաձևակերպվում են շատ արժեքներ, ցանկանում եմ, որ դուք ձեր ներկայությամբ ու աշխատանքով դառնաք մեր արժեքների մեծագույն պահապանը` կրթությունը դարձնելով բացարձակ արժեք: Իմ, համայնքի ղեկավարի աշխատակազմի, բնակավայրերի վարչական ղեկավարների և համայնքի ավագանու անունից ևս մեկ անգամ շնորհավորում եմ այս գեղեցիկ տոնի առթիվ: Մաղթում եմ ուժ և եռանդ, առողջություն, երկարակեցություն, բարեկեցություն և լավատեսություն, խաղաղ ու անվտանգ պայմաններում ապրելու, աշխատելու հնարավորություն, ժամանակի փորձությունները դիմակայելու մեծ կամք: Շնորհավոր տոնդ, Ուսուցիչ Շնորհակալություն Քո առաքելության, անմնացորդ նվիրումի և դպրոցապահպան գործունեության համար:
Գեղամա Հեռուստաընկերություն » ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁՆ ՈՒՍՈՒՑՉԻ ՕՐՎԱ ԱՌԹԻՎ
ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁՆ ՈՒՍՈՒՑՉԻ ՕՐՎԱ ԱՌԹԻՎ
Հեղինակ` SevanTV1 ամսաթիվ` 5-10-2024, 11:51, դիտել են` 23
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
