Գեղամա Հեռուստաընկերություն » ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁԸ ԳԻՏԵԼԻՔԻ ԵՎ ԽԱՂԱՂՈՒԹՅԱՆ ՕՐՎԱ ԱՌԹԻՎ
ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁԸ ԳԻՏԵԼԻՔԻ ԵՎ ԽԱՂԱՂՈՒԹՅԱՆ ՕՐՎԱ ԱՌԹԻՎ
Հեղինակ` SevanTV1 ամսաթիվ` 1-09-2024, 14:28, դիտել են` 21
0
Սիրելի աշակերտներ, ուսանողներ, Հարգարժան մանկավարժներ, կրթության բնագավառի ներկայացուցիչներ, Հարգելի ծնողներ, Շնորհավորում եմ բոլորիս Գիտելիքի և խաղաղության օրվա առթիվ: Գիտելիքի օրն սկսվում է ձեզանից յուրաքանչյուրի` կրթական հաստատություններ տանող ճանապարհներով, ու հերթական ուսումնական տարին էլ խոստանում է լինել գիտելիքաառատ, հետաքրքիր ու բովանդակալից: Ժամանակակից աշխարհն իր պահանջներն է թելադրում, իսկ կրթությունն անմիջական կրողն ու արձագանքողն է այդ պահանջների: Կրթել գիտելիքով հարուստ, մրցունակ, արժանապատիվ սերունդ. սա է այսօրվա հրամայականը: Հերթական 2024-2025 ուսումնական տարին էլ մեկնարկում է նոր նախաձեռնություններով, ծրագրերով, բարեփոխումներով: Աշակերտների ու սովորողների առջև կրկին իրենց դռներն են բացել Սևան համայնքի հիմնական, միջնակարգ և ավագ դպրոցները, բազմագործառութային քոլեջը: Մեր համայնքի լիարժեք անդամներ դարձած արցախցի երեխաներն ու դեռահասներն էլ իրենց հասակակիցների հետ առաջին զանգի ղողանջների հետ կմտնեն դպրոց ու կշարունակեն բացահայտել գիտելիքի և իմացության աշխարհը: Ուզում եմ առանձնակի շնորհավորել առաջին անգամ դպրոց ոտք դնող իմ կրտսեր բարեկամներին, որոնց համար այս օրն ու պահն ունեն առանձնահատուկ նշանակություն: Սիրելի առաջին դասարանցիներ, Շնորհավորում եմ ձեզ փոքրիկ կյանքի մեծ տոնի առթիվ, մաղթում բարեհաջող մեկնարկ, ուսումնական անմոռաց ու բովանդակալից տարի: Սիրելի աշակերտներ, յուրաքանչյուր նոր ուսումնական տարվա սկիզբ ձեզ համար նորի մեկնարկ է, թող այդ մեկնարկը լինի բարեհաջող, իսկ ուսումնառության ողջ տարին` լի ձեռքբերումներով ու հաջողություններով: Լավ կրթությունը ձեր ապագայի երաշխավորն է, որն առավել քան կարևորվում է մեր ժամանակներում, երբ բանիմաց, գիտակ և պատրաստված անհատը հասարակության շարժիչ ուժն է: Նոր ուսումնական տարվա առթիվ շնորհավորանքներս եմ հղում ուսանողներին: Շատերի համար այն հերթական ուսումնառության տարին է, մյուսների համար` կյանքի նոր շրջափուլի սկիզբ: Հարգելի ուսանողներ Պատվով կրեք ուսանող անունը, զինվեք գիտելիքների հարուստ պաշարով, որը ծառայեցնելու եք մեր պետության և համայնքի զարգացմանն ու առաջընթացին: Հարգարժան մանկավարժներ, շնորհավորում եմ նոր ուսումնական տարվա կապակցությամբ: Անկախ ձեր աշխատանքային կենսագրությունից ու փորձառությունից` յուրաքանչյուր նոր ուսումնական տարվա սկիզբ տարբերվող է ու անկրկնելի: Վստահ եմ՝ ձեր աշխատանքի շնորհիվ մեր պետությունը կունենա առավել հայրենասեր, կիրթ ու պատրաստված քաղաքացիներ: Մաղթում եմ ձեզ առողջություն, բարեկեցություն, ուժ և եռանդ, համբերություն ու մասնագիտական նորանոր բարձունքներ: Նոր ուսումնական տարին մեկնարկում է նաև համայնքի նախադպրոցական ուսումնական հաստատություններում, նախակրթարաններում և արտադպրոցական հաստատություններում: Փոքրիկներին մաղթում եմ խնամքի, դաստիարակության, կրթության լավագույն պայմաններ և հնարավորություններ, երեխաներին և պատանիներին` հագեցած առօրյա, դաստիարակներին ու դասատուներին` արդյունավետ ու լիարժեք աշխատանք: Իմ կրտսեր ու պատանի բարեկամներ, սիրելի աշակերտներ, կրթության ոլորտի ներկայացուցիչներ, մանկավարժներ Իմ, համայնքի ղեկավարի աշխատակազմի, բնակավայրերի վարչական ղեկավարների, համայնքի ավագանու անունից կրկին շնորհավորում եմ բոլորիս Գիտելիքի և խաղաղության օրվա առթիվ: Գիտելիքն ու խաղաղությունն անբաժան են, և միայն խաղաղ ու անվտանգ պայմաններում է հնարավոր ձեռք բերել անհրաժեշտ գիտելիքներ, այդ գիտելիքները ծառայեցնել մեր երկրի բարօրության ու զարգացմանը: Մենք լավ գիտենք խաղաղության գինը: Այդ ճանապարհին իրենց կյանքն են զոհասեղանին դրել մեր լավագույն տղաները` պատգամելով` սիրել ու հզորացնել մեր երկիրը: Արժանի լինենք նրանց գործին ու անվանը, հավատարիմ` նրանց պատգամին: Սիրելի աշակերտներ, ուսանողներ, Հարգարժան մանկավարժներ, դաստիարակներ Մաղթում եմ բոլորիդ մնայուն աշխատանքով իմաստավորված, արդյունավետ և հագեցած ուսումնական տարի, միշտ առաջ գնալու կամք և պատրաստակամություն, առողջություն և արևշատություն: Բարի երթ ու բարի ընթացք գիտելիքերի անհատակ ծովում:
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
