Ռուսաստանի Դաշնության ազգամիջյան, միջկրոնական, միջմշակութային և միջպետական հաղորդակցությունների ոլորտում հետազոտությունների և նախագծերի զարգացման ազգային ինստիտուտը (НИИРК)՝ հայաստանյան «Հաղորդակցության զարգացման միջազգային ինստիտուտ» հումանիտար հիմնադրամին (МИР) հետ համատեղ, անհատույց նվիրաբերել է հումանիտար օգնություն՝ օժանդակելու արցախցիներին։
500 երեխայի համար նախատեսված հագուստը, քաղցրեղեններն ու հիգիենայի պարագաները նոյեմբերի 3-ից մինչև 5-ը տեղական ադմինիստրացիայի ներկայացուցիչների միջոցով կբաժանվեն Գեղարքունիքի մարզի Սևան, Գավառ և Վայոց ձորի մարզի Արենի քաղաքներում։
Նոյեմբերի 3-ին հերթական օգնությունը ԼՂ-ից բռնի տեղահանված ընտանիքների 6-12 տարեկան 270 երեխաներին բաժանեցին Սևանի ավագ դպրոցում:
Սևան, Գավառ, Արենի քաղաքներում են գտնվում «Հաղորդակցության զարգացման միջազգային ինստիտուտ» հումանիտար հիմնադրամի (МИР) հիմնադրամի ռուսաց լեզվի և մշակույթի ուսումնասիրման կենտրոնները, որոնք բացվել են բոլորովին վերջերս։ Կենտրոնները գործում են անվճար սկզբունքով։ Իսկ Գեղարքունիքի և Վայոց ձորի մարզերում բնակություն հաստատած արցախցի երեխաները նույն հիմունքներով հնարավորություն կունենան անվճար սովորելու МИР կենտրոններում։
