0
Սևան համայնքի Զովաբեր բնակավայրի մանկապարտեզում ունեն հիմնովին վերանորոգված խոհանոց, շուտով
կունենան նաև բուժկետ
ԱՄՆ-ի Բոստոն քաղաքում գործող «Այգ» հիմնադրամը հանդես էր եկել հերթական բարեգործական նախաձեռնությամբ, որի
շնորհիվ Սևան համայնքի Զովաբեր բնակավայրի մսուր-մանկապարտեզը շուտով կունենա վերանորոգված եւ համապատասխան
գույքով կահավորված բուժկետ։
Զովաբերի մանկապարտեզը շահագործումից ի վեր չի ունեցել բուժկետ, որը նախադպրոցական գործի կազմակերպման
բաղկացուցիչ մասն է:
Ծրագիրն իրողություն դարձավ «Այգ» հիմնադրամի շնորհիվ, որն ընդառաջելով հիմնադրամի հետ համագործակցող «Սևան»
թերթի խմբագիր Պապ Հայրապետյանի խնդրանք-ցանկությանը, ձեռնամուխ եղավ աշխատանքների իրականացմանը։ Բուժկետի
համար մանկապարտեզում հատկացվել է նոր տարածք։
Աշխատանքներն արդեն ընթացքի մեջ են։ Բուժկետն ունենալու է նաև նախասրահ։ Արդեն ավարտվել են բուժկետի պատերի
հարդարման և երեսպատման, հատակին սալիկապատման, դռների և պատուհանների տեղադրման աշխատանքները: Ընթանում
են առաստաղի վերանորոգման աշխատանքները: Բուժկետը շուտով կհանձնվի շահագործման։
Շինարարական աշխատանքների ավարտից հետո մանկապարտեզի բուժկետը կհամալրվի նաև գույքով։ Հիշյալ ծրագրի
շրջանակներում վերանորոգվել է նաև մանկապարտեզի դահլիճի հատակը և լաքապատվել։
Հիշեցնենք, որ նախորդ տարվա նոյեմբերն էլ «ՌԵՅՆԲՈՈՒ ԻՆԹԵՐՆԵՅՇՆԼ» Երեխաների Զարգացման հիմնադրամի տնօրեն
Աիդա Համբարձումյանը հաճելի ու սպասված անակնկալ մատուցեց մանկապարտեզին` նվիրելով բակային խաղամիջոցներ,
նրանց առօրյան դարձնելով առավել գրավիչ և անվտանգ:
Հոկտեմբեր ամսին էլ Զովաբերի մանկապարտեզում հյուրընկալվել էին «Ճանաչենք, Սիրենք, Շենացնենք մեր գյուղերը» խմբի
անդամները: Հյուրընկալության առիթն էլ մանկապարտեզի վերանորոգված և կահավորված խոհանոցի պաշտոնական բացման
արարողությունն էր: Խմբի անդամներից ավստրալիաբնակ Նարինե եւ Կարինե Մելքոմյանների միջոցներով, ի հիշատակ իրենց
մոր՝ հանգուցյալ Լուսիկ Սարվարյանի, վերանորոգվել է Զովաբերի մսուր-մանկապարտեզի խոհանոցը։
Սևան համայնքը` ի դեմս տեղական իշխանությանը երախտապարտ է բոլոր բարերարներին, բարեգործական ծրագրերի
հեղինակներին, որոնք իրենց գործունեությամբ ու նվիրաբերությամբ դարձել են Սևան համայնքի լավագույն բարեկամները:
Ընթացքի մեջ են Ծաղկունք բնակավայրի բուժական-մանկաբարձական կենտրոնի հիմնանորոգման
աշխատանքները
Այս օրերին Սևան համայնքի Ծաղկունք բնակավայրում իրականացվում են բուժամբուլատորիայի հիմնանորոգման
աշխատանքները:
Առաջին բուժօգնության այս օղակը, որը սպասարկում է Ծաղկունքի բնակչությանը, կարիք ուներ հիմնովին վերանորոգման,
որի անհրաժեշտությունը ֆրանսիական կողմին ներկայացրել էր Սևան համայնքի ղեկավար Սարգիս Մուրադյանը Սևան-Գրենոբլ
ապակենտրոնացված համագործակցության շրջանակներում իրականացվող առողջապահական ծրագրերի
առաջնահերթությունների քննարկման ընթացքում:
Չուշացավ նաև արձագանքը. աշխատանքները ներառվեցին «Բժշկական օգնություն եւ զարգացում» ասոցիացիայի 2023թ.
առաջնահերթություն ներկայացնող ծրագրերում:
Ապրիլ ամսին, երբ քույր քաղաք Գրենոբլի միգրացիայի, միջազգային համագործակցության հարցերով փոխքաղաքապետ
Էմանուել Կարրոզի գլխավորած պատվիրակությունը գտնվում էր Սևանում, մի շարք հանդիպումների և այցերի թվում էին նաև
համայնքի Ծաղկունք, Գեղամավան բնակավայրեր կատարած այցերը, որոնց ընթացքում քննարկվեցին նախատեսված
առողջապահական ծրագրերը, այն է` բնակավայրերի բուժական-մանկաբարձական կենտրոնների վերանորոգումը:
Ծրագրի շրջանակներում վերանորոգվում է Ծաղկունքի ԲՄԿ-ի տարածքը` երկու սենյակ, սանհանգույց, իրականացվում են
ներքին հարդարման աշխատանքներ, որոնց արդյունքում բնակավայրը կունենա ներկայանալի, հիմնանորոգված
բժշկա-մանկաբարձական կենտրոն: Այս աշխատանքներին կհաջորդի կահավորումը:
Սևան համայնքի Ծաղկունք բնակավայրն արդեն ունի 70քմ մակերեսով խորհրդակցությունների,
հանդիպումների համար նախատեսված սրահ
Սևան համայնքի բնակավայրերում միմյանց են հաջորդում տեղական նշանակության ծրագրերը, որոնք նոր շունչ են հաղորդում
բնակիչների կյանքին:
Սևան համայնքի Ծաղկունք բնակավայրի 4-րդ փողոց, 7 շենք հասցեում գտնվող շենքում տեղակայված են նախակրթարանը,
վարչական ղեկավարի աշխատակազմը, այսուհետ նաև հանդիպումների, խորհրդակցությունների սրահը:
«ԴԱՐ» հիմնադրամի և Սևանի համայնքապետարանի համագործակցությամբ շենքի 2-րդ հարկում տեղակայված տարածքը
վերանորոգվել է, փոխվել են պատուհանները, հատակը:
Վերանորոգվել է 70քմ տարածք, որը ներառում է խորհրդակցությունների, հանդիպումների համար նախատեսված սրահը և
սանհանգույցը:
Այս աշխատանքներին հետևելու է կահավորումը, որից հետո բնակիչները, բնակավայր այցելողները հնարավորություն
կունենան հանդիպումները, բնակավայրի վերաբերյալ իրենց քննարկումները, նախատեսվող խորհրդակցությունները, հանրային
լսումները կազմակերպել հարմարավետ, ներկայանալի պայմաններում:
Սևան համայնքի Նորաշեն բնակավայրի գրադարանը այսւոհետ գործում է հիմնովին վերանորոգված
տարածքում:
Սևան համայնքի Նորաշեն բնակավայրի մշակույթի տան շենքի մի հատվածում /50քմ/ իրականացվել են են գրադարանի համար նախատեսված տարածքի հիմնանորոգման աշխատանքներ, որոնց հաջորդել է նաև կահավորումը:
Մասնավոր միջոցներով իրականացված հիմնանորոգման արդյունքում Նորաշենն ունի գրադարան-ընթերցասրահ, որտեղ ընթերցասերներին սպասվում է հանդիպում շուրջ 4000 կտոր գրականության հետ:
Ընթերցասրահը կվերազինվի համակարգիչներով, անհրաժեշտ տեխնիկայով, որը հնարավորություն կտա տեղում ստանալ անհրաժեշտ տեղեկատվություն, միաժամանակ օգտվել առաջարկվող գրականությունից:
Այս ձեռնարկը ևս մեկ քայլ է մշակութային կյանքի աշխուժացման ճանապարհին: Գրադարան-ընթերցասրահը կդառնա նաև Նորաշենում հանդիպումների, միջոցառումների կայացման հարթակ:
Ընթանում են Սևանի Վ. Սարգսյանի անվան երաժշտական դպրոցի նոր շենքի կառուցման աշխատանքները:
Սևան քաղաքում կառուցվում է երաժշտական դպրոցի նոր շենք
Սևան համայնքում համայնքապահպան ծրագրերի շարքը 2023թվականին լրացնում է Սևան քաղաքում երաժշտական դպրոցի
նոր շենքի կառուցումը, որը տասնամյակներ շարունակ եղել է սևանցիների մեծագույն ցանկությունն ու համայնքային
առաջնահերթություններից մեկը:
Տեղական իշխանությունը տարիներ շարունակ փնտրել է տարբերակներ, համագործակցային ուղղություններ երաժշտական
դպրոցի շենքին երկրորդ շնչառություն տալու համար:
Սևան համայնքի` ի դեմս համայնքի ղեկավար Սարգիս Մուրադյանի, և «Հայաստան» համահայկական հիմնադրամի
արդյունավետ համագործակցությունը տվեց ցանկալի արդյունք:
Շինարարական աշխատանքների նախագծա-նախահաշվային փաստաթղթերի մշակման, մրցույթի անցկացման փուլին հաջորդել
են շենքի կառուցման աշխատանքները:
Արդեն մեկնարկած կառուցման աշխատանքների արդյունքում դպրոցի շենքը լինելու է երկհարկանի /36.0x20.4մ արտաքին
հատակագծային չափերով/, նախատեսված է համերգային դահլիճ, ունենալու է նկուղային հարկ: Դպրոցին հարող տարածքը
ցանկապատվելու է, բարեկարգվելու, ապահովված է լինելու արտաքին լուսավորությամբ:
Ժամանակակից չափորոշիչներին համապատասխան դպրոցն ունենալու է ժամանակակից լուծումներով բոլոր պայմանները,
կառուցվելու է ՀՀ-ում գործող շինարարական նորմերին և կանոններին համապատասխան, լինելու է սեյսմակայուն:
Սևան համայնքում Վ. Սարգսյանի անվան երաժշտական դպրոցի նոր շենքի կառուցումը ոչ միայն սպասված էր ու
անհրաժեշտություն, այլ նաև դպրոցի հերթական հաջողությունների, թարմ շնչառության համար դառնալու է լավագույն մեկնարկ`
ապահովելով երաժշտասեր երեխաների առավել մեծ հոսք:
Հիմնովին ասվֆալտապատվում ու վերանորոգվում է Սևան քաղաքի Նաիրյան փողոցի մի հատվածը և
Զ. Անդրանիկ հրապարակը
Սևան համայնքում այս տարի իրականացվող սուբվենցիոն ծրագրերը ճանապարհաշինական են:
Մեկնարկը տրվել է Սևան քաղաքի Նաիրյան փողոցի և Զ. Անդրանիկ հրապարակից, որը ներառում է հիմնանորոգման
աշխատանքներ:
Այս ծրագրի իրականացմամբ քաղաքում կապահովվի ավտոմեքենաների անվտանգ տեղաշարժը, մարդկանց ապահով
երթևեկությունը, կբարելավվի մարդկանց կյանքի որակը:
Գեղամա Հեռուստաընկերություն » Շինարարական ու ծրագրային հասցեներ Սևան համայնքում:
Շինարարական ու ծրագրային հասցեներ Սևան համայնքում:
Հեղինակ` SevanTV1 ամսաթիվ` 13-07-2023, 16:26, դիտել են` 72
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
