0
Հաղթանակի և խաղաղության օրվա առթիվ Սևան համայնքի ղեկավար Սարգիս Մուրադյանը, համայնքապետարանի
աշխատակազմը Սևանի քաղաքային պանթեոնում կատարեցին պսակադրման և ծաղկադրման արարողություն` հարգանքի
տուրք մատուցելով բոլոր ժամանակների մեր հերոսներին: Հոգևոր հովիվ Տեր Մեսրոպ քահանա Երիցյանի կողմից անցկացվեց նաև խաղաղության համար զոհվածների հոգեհանգստյան կարգ:
---
Մայիսի 9-ը նաև մեր հերոսների հիշատակի ու նրանց գործած սխրանքների առաջ խոնարհումի օր է: Հայ ժողովուրդը միշտ էլ հպարտացել է իր նախնիների հերոսությամբ ու գործած սխրանքներով, որոնք մոտեցրին այնքան թանկ խաղաղությունը:
Թեև Սևան բազմաբնակավայր համայնքի՝ Մեծ հայրենականի մասնակիցներից ոչ ոք այլևս ողջ չէ, սակայն նրանց գործած
սխրանքն ու հերոսացումը հավերժ են և պատգամում են սերունդներին՝ պայքարել հանուն հայրենիքի ու խաղաղության:
Հայրենական մեծ պատերազմում հերոսացած մեր պապերի ու հայրերի ոգին էր, որ 1990-ականների սկզբներին երկրապահ կամավորականներին ոտքի հանեց և միասնաբար հաղթանակ տարանք Արցախյան առաջին
պատերազմում և ազատագրեցինք Շուշին:
2020-ի 44-օրյա պատերազմին մասնակցած մեր հերոսների արյան գնով դարձյալ ձեռք բերեցինք խաղաղություն, սակայն ցավով ու դառնությամբ ենք արձանագրում, որ Շուշին թշնամու տիրապետության տակ է այսօր, ինչպես նաև Արցախ աշխարհի այլ տարածքներ: Եվ Արցախն ու Հայաստանը կանգնած են լրջագույն մարտահրավերների առաջ:
Սևանի քաղաքային պանթեոն այցելեցին և պատերազմներում զոհված մեր հայորդիների հիշատակին ծաղկեպսակներ ու ծաղիկներ խոնարհեցին նաև Սևանի պետական կառույցների, տեղական հիմնարկ ձեռնարկությունների,
կազմակերպությունների ու կրթօջախների ներկայացուցիչներ:
Սևան համայնքի բնակավայրերում ևս Մայիսի 9-ի առթիվ բնակավայրեի վարչական ղեկավարները և աշխատակիցներն
իրենց հարգանքի տուրքն են մատուցել Հայրենական Մեծ պատերազմում և արցախյան հերոսամարտերում նահատակված հերոսների հիշատակին` կազմակերպելով պսակադրման և ծաղկադրման արարողություններ:
Գեղամա Հեռուստաընկերություն » Մայիսի 9-ը նաև մեր հերոսների հիշատակի ու նրանց գործած սխրանքների առաջ խոնարհումի օր է:
Մայիսի 9-ը նաև մեր հերոսների հիշատակի ու նրանց գործած սխրանքների առաջ խոնարհումի օր է:
Հեղինակ` SevanTV1 ամսաթիվ` 9-05-2023, 14:45, դիտել են` 63
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
