0
Տարածքային կառավարման և ենթակառուցվածքների նախարարությունը (ՏԿԵՆ) և Գերմանիայի միջազգային
համագործակցության ընկերությունը (ԳՄՀԸ) «Լավ կառավարում հանուն տեղական զարգացման» ծրագրի շրջանակներում
մեկնարկել է ՀՀ համայնքներում ՄԱԿ-ի 2030 Օրակարգի և Կայուն զարգացման նպատակների (ԿԶՆ) տեղայնացման
նախաձեռնությունը։
Նպատակն է` բարելավել ՀՀ համայնքների կարողությունները, որպեսզի վերջիններս ակտիվորեն պլանավորեն և առաջնորդեն
իրենց համայնքներում սոցիալ-տնտեսական զարգացումը՝ 2030 Օրակարգի առանցքային սկզբունքներին և նպատակներին
համապատասխան։
Սևանի համայնքապետարանի նախաձեռնությամբ Սևան քաղաքի բիզնես կենտրոնում տեղի ունեցավ հանրային քննարկում`
շահագրգիռ կողմերի մասնակցությամբ:
Սևանի համայնքապետարանի աշխատակազմի զարգացման ծրագրերի և զբոսաշրջության բաժնի պետ Դավիթ Թորոսյանն
անդրադարձավ նախաձեռնությանը` նշելով, որ համայնքի համար ստեղծվել է լավագույն հնարավորություն` ներկայացնելու
կենսունակ, նորարական լուծումներ ունեցող, ՄԱԿ-ի 2030 Օրակարգի և Կայուն զարգացման նպատակները ներառող ծրագիր
կամ ծրագրեր:
Սա համայնքներին թույլ է տալիս կատարելագործելու կարողությունները, սահմանելու առաջնահերթությունները, որոնք արդեն
իսկ ներառված են 5-ամյա զարգացման պլանում և ՏԱՊ-ում:
Դրամաշնորհի չափը 4-16մլն. ՀՀ դրամ է, համայնքային համաֆինանսավորումը պետք է կազմի ծրագրի ընդհանուր արժեքի
առնվազն 10 տոկոսը:
Հանրային լսման ընթացքում ևս մեկ անգամ վերհանվեցին առաջնահերթությունները, ընտրվեց երկու առաջարկ`
ենթակառուցվածքների արդիականացման բաղադրիչներով, որոնք առնչվում էին խելացի կանգառների տեղադրմանը և
ժամանակակից լուծումներով ուղեկցվող լուսացույցներին: Ընտրված առաջարկնրը ներառում էին Կայուն զարգացման մի քանի
նպատակ` մաքուր և մատչելի էներգիա, նորարարություն և ենթակառուցվածքներ, կայուն քաղաքներ և համայնքներ, կրճատված
անհավասարություն:
Ընտրված առաջարկները Սևանի համայնքապետարանի կողմից առաջիկա մի քանի օրերի ընթացքում մշակվելու և դառնալու են
համայնքի սոցիալ-տնտեսական զարգացման ծրագրեր և ներկայացվելու են ծրագրային հայտ-առաջարկների մրցույթին:
Ընտրված ծրագրերի հաստատումից և իրականացումից հետո Սևան համայնքում կտեղայնացվի կայուն զարգացման
նպատակներից ևս մի քանիսը:
Հանրային լսման ընթացքում հարց ու պատասխանի միջոցով առավել մանրամասն ներկայացվեցին արդեն իսկ ընտրված
առաջարկների բովանդակային, ֆինանսական բաղադրիչները:
Տեղեկացնենք, որ Սևան համայնքի ավագանին արդեն իսկ հաստատել է Սևան համայնքի մասնակցությունը մրցույթին`
կարևորելով նախաձեռնությամբ ամրագրված գաղափարներն ու նպատակները:
Գեղամա Հեռուստաընկերություն » Հանրային քննարկում Սևանում «Լավ կառավարում հանուն տեղական զարգացման» ծրագրի շրջանակներում:
Հանրային քննարկում Սևանում «Լավ կառավարում հանուն տեղական զարգացման» ծրագրի շրջանակներում:
Հեղինակ` SevanTV1 ամսաթիվ` 7-05-2023, 18:00, դիտել են` 58
Խումբ` ---
Հարգելի այցելու, դեւք մտել եք կայք առանց գրանցվել:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
Մենք խորհուրդ ենք տալիս Ձեզ գրանցվել կամ մտնել Ձեր մուտքանունով:
